Verksted eller musik

Nú er gaman í skólanum það er nú vegna þess að við erum byrjuð í svokölluðum aktivitedsfögum sem eru verkleg fög. Ekki að lesturinn sé ekki ágætur en það er gaman að breyta aðeins til. Þannig var að við máttum velja á milli 4 svæða og ég valdi verksted í fyrsta sem er myndlist ofl því tengt og musik i annað val. Það fór eins og áður ( með praktikstaðinn fékk sko praktik í einhverjum sveitabæ 2 klst frá Árósum) að ég fékk ekki það sem ég valdi svo að ég varð að fara í musik og ég sem spila ekki á neitt hljóðfæri, gúlp . . . . En það var sko mjög gaman við byrjuðum á að fara í takt leiki finna taktinn og að syngja með, klappa og nota kroppinn. Svo var farið að tromma á svaka stórar trommur og farið í allskonar leiki í sambandi við það, syngja og tromma og dansa ennþá skemmtilegra og að lokum lærði ég að gera eitt grip á gítar en við eigum eftir að læra fleiri, mig langar soldið að læra á gítar það er svo sniðugt að kunna það. Við erum samt ekkert að fara að læra á gítar núna bara smá intro en samt spennandi.