Ég held að það sé kominn tími á pásu!

djöfull langar mig að skjóta gaurinn við hliðiná mér núna!!! Ég hef bara aldrei séð annan eins hamagang og heyrt jafn hávær slög á lyklaborðið síðan í gamla daga í þegar ég vann sem innsláttameistari hjá ODDA. Það er eins og að lyklaborðið sé eldagamalt (en ekki glæný Apple) og stimpli ekki inn stafi nema maður slái af öllu afli! Svo skrifar hann svo hratt að hann verður að hamast á "delete" takkanum í á tíu sek. fresti því það er svo mikið af innsláttarvillum. Maðurinn er á 4 STÓRA kaffibollanum sínum og rífur bréfið utanaf hverju sælgætisstykkinu á fætur öðru og er líklegast í óða önn að skila e-u verkefninu. Hvers á ég að gjalda?
Hann er jafnvel verri en sá sem er hinu megin við mig og getur ekki hætt að horfa á mig. Um leið og ég sný mér aðeins í áttina að honum (n.b. til að lesa í bókinni) þá þarf hann bara alltaf að horfa beint á mig...og hann hættir ekkert. Svo alltaf þegar ég stend upp (sem er ansi oft:) þá þarf hann að snúa sér við og fylgjast með öllum mínum hreyfingum. Sömuleiðis þegar ég sest þá er það greinilega mjög merkilegt. Það er svolítið þreytandi og ég tali ekki um óþægilegt.

Ég held ég þurfi ekkert að fjölyrða um að þetta er ekki búinn að vera minn mest productive dagur, þar sem þetta er annað bloggið mitt í dag á bókasafninu :)