You know candlebegger?

Jæja, gleðilegan þrettándann allir saman. Veit e-r annars af hverju jólin eru þessir þrettán dagar? Nú ætla ég bara að opinbera fávisku mína, ekki er það bara út af þessum blessuðum jólasveinum er það? Eða er þetta bara afsökun til að sprengja meira f flugeldum til að gleðja okkar ljósfirtu hjörtu? Spyr sá sem ekki veit. Allaveganna reka allir um augun þegar við förum út í þá sálma hér í Danaveldi. Gott ef jólaskrautið var milli jóla og nýárs, allaveganna er ekki vottur af þeim hér á byggingum eða neitt slíkt. En við héldum upp á okkar þrettándagleði eins og venjulega (aldrei sérstaklega haldið upp á hana reyndar). En við vorum boðin í mat og smá fyreværkeri hjá skyldmennum mínum sem búa hér í nágrenninu.
Gerðumst glæpamenn yfir kvöld og sprengdum bara allhressilega, það er nú bannað að sprengja hérna en ég var undirbúinn og var búinn að biðja sérlegan sprengjusérfræðing hér í Árósum að festa kaup á nokkrum flugeldum á gamlársdag. Heyrðu og bara þrusugóðir og ansi billegir barra. En við vorum öll saman tilbúin í að tvístrast ef löggann mætti á svæðið. Það hefði líklegast verið ég sem hefði sitið í súpunni enda gerður að sérlegum sprengjusérfræðingi fyrir kvöldið. Lengi lifir í gömlum glæðum. Það hefði þó verið skrautlegt að reyna útskýra þetta fyrir yfirvöldunum...já, þetta er sko jólahátíð á Íslandi, "you know candlebegger" he was the last Santaclause to go home to Esjan (eða Grænland skvt Dönum)...and so we are saying goodbye and lighting his way...or something...