the game

yeeessssssss. klukkaður seinastur...hehehe alveg eins og í den. Hvað meinarðu, klukkaðirðu mig fyrir tveimur vikum? ekki tók ég eftir því, þú verður sko að snerta með báðum höndum og segja "klukk". Jájá, svona eru reglurnar.
Hérna kemur það þá:

1. Þegar ég borða með hnífapörum nota ég vinstri hendi fyrir hnífinn og þá hægri fyrir gaffalinn...samt er ég ekki örvhentur!! - en örfættur.

2. Ég fékk einu sinni rosalega flotta byssu frá frænku minni í afmælisgjöf og sá ekki sólina fyrir henni. Frænka nýkomin frá U.S.A. og svona byssur ekki á hverju strái...þess vegna man ég enn skelfinguna þegar ég uppgvötaði að ég hafði týnt henni...tveimur klukkutímum eftir að ég fékk hana.

3. Ég var einu sinni dauðarokkari og stundaði flösuþeytingar. Ég var með hár niður á axlir og fór á dauðarokkstónleika og sveiflaði faxinu í takt við ehh...taktinn. Þessu fylgdu stundum hvimleiðar harðsperrur á hálsinum daginn eftir.

4. Þegar ég var í leikskóla kallaði ég hann ekki leikskóla neiiiii....það var vinnan mín. "Jæja litli vinur, í hvaða leikskóla ert þú?" Ég: "Ég! ég er ekki í leikskóla...ég er í vinnu eins og pabbi (voða hreykinn)"

5. Ég get verið afar vandvirkur þegar ég fæ mér poppkorn, mér finnst nefninlega bestu poppin þau sem eru með dágóðar leifar af bauninni enn eftir. Þessi popp finnast oft á neðarlegar í skálinni. Þetta fer í taugarnar á sumu fólki :)

ÞAð eru víst enn e-r eftir í leiknum og hér með klukka ég Björn Hildir , Hildi systu (blog.central.is/gugirls) Kjarra , ogogog...hann Emil kallinn. Það verður gaman að sjá hvað kemur út úr því!

kv
Gun