sunnudagur, september 11, 2005

Þetta er vikan í hnotuskurni (bank, bank. HJÁLP! Ég er föst inní hnotuskurni)

góð og þægileg helgi að baki. Sunnudagurinn að renna sitt skeið og framundan blasir næsta vinnuvika í praktíkinni. Seinasta vika fór mest megnis í að skipuleggja starfið mitt næstu vikurnar, þ.e. hvaða fundi ég á að vera viðstaddur, hvenær ég á að vera viðstaddur viðtöl hjá sálfræðinginum og læra af honum (vera fluga á veggnum), og svo er ég búinn að vera skoða ýmsar deildir sem þessi barna -og unglingageðdeild hefur á að státa. Þarna er skipt eftir aldri, smábörn, skólabörn, unglingar og svo bráðamóttaka. Ég mun líklega eyða mestum tímanum í skólabörnin og að framkvæma sálfræðileg próf á þeim, líkt og greindarpróf.
Það tók töluvert á að mæta í vinnuna, enda loks þegar maður mætti voru það tveir og hálfur tími síðan maður vaknaði! Já, það þurfti að vakna klukkan hálf sex til að ná strætó sem fór klukkan sex svo að ég mundi ná enn rútu sem fer klukkan 06:11. Í henni dvaldi ég svo í einn og hálfan tíma. Ég hélt að þeim tíma væri nú hæglega hægt að verja í svefn en það var nú bara hægara sagt en gert. Það tók mann allaveganna hálftíma að koma sér vel fyrir og þrátt fyrir "blindfold", þá er bara alls ekkert þægilegt að sofa í svona rútum nema maður sé með púða og sæng en svo langt gekk ég nú ekki. Svo voru nú alltaf fólk að koma og fara til að eyðileggja friðinn. Þeir Danirnir greinilega leggja það ekkert mikið fyrir sig að vinna í öðrum bæjum enda voru margir að fara í vinnuna. Mér til samúðar voru þó engir sem fóru jafn langa leið og ég. Svo þegar maður var kominn til Herning klukkan 07:40, þurfti ég að bíða í fimmtán mín eftir næsta strætó sem ég tók í 5 mín, svaraði ekki orkukostnaði að labba þetta. Loksins kominn eftir tveggja tíma ferðalag vúhúú!!
En...the lighter side of...er að það eru nokkrir aðrir Árósabúar sem vinna þarna og það vill svo til að þeir keyra þetta á hverjum degi. Jibbí!! Ég fæ því far með þeim og næ að stytta ferðina um 40 mín hvora leið...ÞAð er nú tímasparnaður! Ég varð reyndar svolítið hissa á einu, en það er kannski bara ég, að þetta er kona sem er með skrifstofur við hliðiná minni (jebb þú heyrðir rétt) sem keyrir þetta og þar sem ég er ekki með bíl vill hún fá 100 DKR fyrir daginn! og allt sem hún þarf að gera er að stoppa í 30. sek meðan ég smegi mér inn. Ég er kannski bara svona og saklaus en ég bjóst bara við að fá að fljóta með. en svona þegar þetta síaðist aðeins betur inn, þá er þetta skiljanlegt uppá bensín ofl að gera, en samt 100 DKR er slatti! Finnst ykkur það ekki?

skelli inn hérna nokkrum myndum af helginni og læt þær tala sínu máli!


garden parteiii Posted by Picasa

3 Comments:

At 8:45 f.h., Blogger emil+siggalóa said...

Glæpakvendi!!! Þetta er rán! Það kostar hana eflaust minna en 100 DKK á dag að fara þetta. Láttu okkur vita hvað þú gerir...
"The Parents" bjóða ykkur í mat á fös., bíðum eftir svari. SL: 22 67 3670

 
At 10:33 e.h., Blogger Drekaflugan said...

góðar fréttir! Ég fæ styrk fyrir öllu heila klabbinu frá skólanum svo hún má hirða þennan 100 kall!

 
At 10:11 f.h., Blogger Drekaflugan said...

jaha...thu segir nokkud, eg ætla ad kanna thetta med skottid :) En skype-id okkar er bædi gunnarp1 og ragnheidurosk, oftast kveikt a tvi sidarnefnda.

 

Skrifa ummæli

<< Home

Standard Guestbook
Name: **
What is your email? **
Your homepage:
Where are you from?
Comments? **
This message is private
Site Feed