Nóg að gerast

Aldeilis skemmtilegur dagur í gær! Ragnheiður þurfti að vakna snemma því hún átti að fara sýna í "kultur" verkefninu sem hún er búin að æfa fyrir seinustu daga, og að sjálfsögðu kíkti maður á það. Og ég verð bara að segja að þetta var með skemmtilegustu leikritum sem ég hef séð. Allur undirbúningurinn ásamt hugmyndavinnu var aðeins tæpir tíu dagar og greinilegt að þarna er hugmyndaríkt fólk á ferð.
Svo seinna um kvöldið fórum við á tónleika með einni bestu hljómsveit Dana fyrr og síðar sem heitir Swan Lee. Áhugasamir geta kíkt hérna á heimasíðu þeirra http://swanlee.dk . Spurning hvernig gengur með þetta hljómaleikahúsa heima, svo hægt verði að halda almennilega minni tónleika á sómasamlegum stöðum, öðrum en t.d. Gauknum.
Annars erum við að fara í kvöld í mat til Bjargar og Abba, en litli kúturinn þeirra Ásgeir Rafn er eins árs í dag! Svo verður stemming í bænum í kvöld því allt er opið til miðnættist og jólaseríurnar tendraðar og solleiðis. Svo er nú stutt í næsta afmæli því svo bara strax á laugardaginn á Ragnheiður afmæli jeiii...og er stefnan að halda aðeins upp á það...að sjálfsögðu!