Krogerup Hojskole

Já þá er helgin búin og veruleikinn tekinn við. Helgin var með eindæmum skemmtileg þar sem ég og Gunni fórum í heimsókn til Gerðar og Kjarra en þau eru í Lýðháskólanum Krogerup á Sjálandi. Það var vinahelgi og þá áttu sumsé nemendurnir að bjóða vinum sínum að koma í heimsókn og á laugardeginum var heljarinnar dagskrá þar sem við fengum að sjá hvað þau eru að gera. Gerður er í design og Kjarri í ljósmyndun og svo eru þau í Dönsku og friluftsliv þar sem þau fara í útilegur og læra á kajak og allskonar hluti sem að maður getur gert utandyra. Svo var líka hægt að vera í keramik og allskonar sniðugt. Maður vildi nú bara skrá sig í skólann. He he. En svo á laugardagskveldið var partý sem Gunni missti því miður af því hann þurfti að ná sínu flugi til 'Islands. En þetta party var svaka stuð Dj og manni fannst maður bara vera kominn á ball. Svaka hressir krakkar sem eru þarna með þeim í skólanum frá 'Islandi, Danmörku, Póllandi, Japan, Ungverjalandi og fleira og fleira. En nú er ég svo í skólanum í viku á svokölluðu innkalli. Þar sem allir fá sér frí úr praktíkinni og fá smá kennslu. Gaman að hitta fólkið aftur eftir langt hlé.
kv. Ragnheidur