You must nourish to be good and productive students...
Jæja, þá fer að styttast í matarpásuna hérna í Det Kongelige Bibliotek og ég get alveg lofað ykkur að sama hve auðvelt ég á með að gleyma hlutum, þá eru engar líkur á því að þetta hlé gleymist. En bara svona til öryggis þá hefur bókasafnið smá svona reminder í hátalarakerfinu sínu. Málið er að þessi reminder minnir svo mikið á e-a framtíðarmynd í anda t.d. “the Island”, þar sem fólki er sagt hvað það eigi að gera og hvenær það eigi að gera það. Allow me to explain. Klukkan nákvæmlega 13:04 heyrast undurfagrir tónar um allt safnið, rennandi vatn, hljómar frá hörpu ásamt öðrum dáleiðandi hljóðum. Einnig heyrist í vélrænni hvíslandi rödd sem þylur e-ð óskiljanlegt. Námsmennirnir standa allir upp frá bókunum sínum og fara í hópum að dyrum mötuneytisins sem opnar nefninlega á þessum tíma. Enginn segir neitt, allir labba stjarfir af stað, hugsandi það sama “borða...næring...gott”. Þetta tónlistarinnslag er svo í um fimm mínútur og breytist á tveggja vikna fresti. Mjög sérstakt og skemmtilegt.
En athyglisvert. Einhvernveginn hefur þetta samt farið framhjá mér í þau skipti sem ég hef dvalið á hinu undurfagra Kongelige Bibliotek
Jiiii en fyndið :D
þið eruð nú líka alveg frábærir sögumenn (veit ekki hvort ykkar skrifaði þennan póst - það er alltaf svolítil gestaþraut að sjá hvort maður getur giskað á það hvort ykkar er að skrifa - ég giska á Gunna í þessu tilfelli, út af bíómyndainnskotinu).
SL
Þú hefur greinilega bara verið svona niðursokkin í lesturinn býst ég við, það gæti líka verið að við höfum talað svo mikið í matarhléinu að við höfum ekki heyrt það :) ?
Ég þakka hólið Sigga Lóa, og eitt stig til þín.
Gunni