Gunnar og Ragnheiður do Danmark

Kveðja

2007-08-05T22:14:00.000+02:00

Jæja, gott fólk. Þá er nú komið að þessu: seinasta bloggið. Þar sem síðan heitir G & R Do Danmark, ætli maður láti þá ekki staðar numið nú þegar maður er fluttur úr Danaveldi. Að öllum líkindum a.m.k., það er aldrei að vita hvenær bloggandinn kemur yfir mann, og hver veit nema maður stofni bara nýja bloggsíðu. Hvað með Gunnar og Ragnheiður Do Iceland ;) ?

Ég ætla að láta vera með að gerast hádramatískur og telja upp alla eftirminnilega og þroskandi viðburði eða nefna alla þá vini sem við höfum kynnst seinustu þrjú árin. Ef þið viljið fá góð skil á öllu því, að þá er bara að grafa eftir eldri bloggpóstum og finna út úr því sjálf :) Læt mér nægja að segja að þetta hefur bara verið alveg æðislegur tími!

Nú tekur hins vegar við alveg nýr kafli í lífinu, komin með þessa æðislegu íbúð, komin með mjög góða vinnu, námið búið í bili (eða að klárast). Því segi ég bara eins og Paul nokkur McCartney gerði hérna um árið, "I don´t know why you say goodbye, i say hello"

Ég vona að fólk hafi haft gaman að og jafnvel nokkuð gagn að. Við þökkum við þeim sem hlýddu álesturinn, bæði þeim sem litu stutt við, þeim sem hafa látið sitt eftir liggja í kommentakerfinu og hinum sem hafa fylgt okkur allan tímann.

kv
Gun og Rag

Málaralíf

2007-07-30T10:34:00.000+02:00

1. regla hnakkans:

Vertu alltaf med sólgleraugu, sama hvad thú ert ad gera. Thad skemmir heldur ekki fyrir ad vera ber ad ofan.

Ég lenti án efa í vandræðalegasta atviki ævi minnar núna fyrr í dag. Ég var sem sagt nýkominn frá málarabúðinni, hérna dágóðan spotta frá, og var búinn að versla mér allt sem til þurfti til að mála íbúðina vel og vandlega. Málningu, pensla, tape, plast og fleira og fleira. Ég var náttúrulega á hjóli eins og venjulega og sá að til að koma öllum þessum 20 lítrum af málningu heim, mundi ég þurfa að hafa þrjár hendur. Ég náði samt að setja einn 10 lítra dunk á stýrið ásamt öllum pokunum og setti hinn 10 lítra dunkinn á bögglaberann. Þetta gekk voða vel, þetta var 15 mínútna rölt og allt sat fast á sínum stað. Eða þar til ég var næstum kominn heim og átti bara eftir að fara yfir ein ljós. Og það má með sanni segja að ég hafi sett mark mitt á þessi gatnamót, því þegar ég var í þann mund að fara yfir, fer ég yfir litla mishæð, sem veldur því að, já...þið getið rétt ímyndað ykkur. Málningardunkurinn veltur af bögglaberanum og beint á jörðina með miklum dynki, lokið brotnar af og út leka 10 lítrar af hvítri málningu beint á götuna!!!

...anda eða hlæja...

...og halda áfram...

Hmmm....kannski ég hefði átt að setja hina dolluna á hitt stýrishandfangið? Samt fáránlegt að dollan skuli ekki þola meira högg en þetta :)

Oft veltur lítil þúfa þungu hlassi segja sumir, þeir hafa rétt fyrir sér. Ég náttúrulega tók strax pensilinn upp úr og fór að þykjast vera mála göngubrautina, en allt kom fyrir ekki, fólk stóð ásíðis og skellihló. Svo skemmtilega fyrir bareigandann á horninu þá gerðist þetta beint fyrir framan barinn hans og ég var orðinn að þvílíku bíó fyrir fólkið þar inni. Hann hefur ørugglega selt mun fleiri øllara fyrir vikid.

Auðvitað var þetta óborganlega fyndið, mér var bara ekki alveg hlátur í huga þegar þarna var komið við sögu. Ég fór inn á barinn og mætti brosmildum andlitum og mjög hjálpsömum þjóni. Hann útvegadi mér fægiskóflu, stóra fötu og rúllu af pappír. Ég hófst handa og ótrúlegt en satt að þá fór næstum öll málningin aftur ofan í tunnuna. Það er búið að rigna svo mikið (thank god :/) að gatan var alveg tandurhrein. Það verða kannski nokkur korn í málningunni, en ég segi þetta sé bara svona gróf áferð á veggjnum, ef e-r spyr. Restina þurrkaði ég svo upp með pappírnum og setti síðan pappa yfir allt.

Það hefur heyrst talað um að mála bæinnn rauðan, en ég málaði Köben bara hvíta. Þetta var við ljós svo það stoppuðu ófáir bílar/hjóllreiðamenn og sendu mér samúðarbros eða vel valdar háðsglósur og undir lokin var ég farinn að skellihlæja að þessu öllu saman. Ég veit allavegann að ég hef létt undir deginum hjá ansi mörgum, og það ókeypis :)

En svona til ad fyrirbyggja allan misskilning, thá var nú ástæda fyrir sólgleraugunum

E.s. Úr hvada bíómynd er eftirfarandi atridi (nema í stad kústs, thá var notud øxi)?

(ath. atridid er svidsett)

Thetta var líklega seinasta bloggid hér í Danmørku, svo vid segjum bara bless í bili og sjáumst á klakanum.

Gun og Rag

Minimalistísk stemming á Prags B.

2007-07-25T09:57:00.000+02:00

Maður lifandi, það var tekið á því í gær! Ég finn bara hvernig harðsperrurnar eru að verða verri og verri. Já, flutningarnir eru yfirstaðnir og gengu þeir bara mjög vel fyrir sig, þrátt fyrir að við vorum bara þrjú. Árni Richard bjargaði okkur fyrir horn og án hans værum við líklega enn að ferma niður. Sem gjöf á móti fékk hann þessa ágætu hreyfingu :) Það má segja að þarna hafi útsölurnar komið í hausinn á okkur, reyndar ekki jafn mikið og í hausinn á Ragnheiði, því hann virtist bara soga til sín alla mögulega lausa hluti.

En eins og sjá má á myndinni er íbúðin frekar tómleg og látlaus. Fullt af tómum snögum á veggjunum (eftir myndir ofl) og því ekkert að gera nema nýta það sem við höfum. Þessi IKEA poki t.d., sem nú þjónar hlutverki óhreinatauskörfu, verður bara að segjast taka sig vel út á vegginum. Að auki komst ég að því að það er meira að segja hægt að nota hann sem körfu þegar henda á óhreinum sokkum í óhreina tauið! Svo það er nóg hægt að gera sér hér til dundurs... ;)

En nú tekur næsta skref við: málningar- og viðhalds aðgerðir. Við ætlum að koma íbúðinni í samt horf aftur, til að fá sem mest borgað af tryggingunni tilbaka. Ég fékk algeran gullmola frá húsverðinum í dag, varðandi hvort mála ætti loftið:

Húsv: hafiði reykt inní íbúðinni?
Ég: Nei.
H: Hafiði haft gesti sem hafa reykt inní íbúðinni?
É: Nei.
H: Hmmm...hafiði eldað heitan mat?
É: Já, að sjálfsögðu!
H: Já, þá þurfið þið að mála! Gufan sko fer út um allt....
É: Hahahaha...

Þetta er nú meiri hálfvitinn :)

SUMARFRÍ Í KÖBEN

2007-07-20T17:53:00.000+02:00

Við Gunni erum búin að vera í sumarfríi þessa vikuna. Vei vei og eftir langa rigningartörn já tja líklega seinustu 4 vikur þá kom loksins gott veður og það akkúrat í frívikunni. Snilld og ekkert annað. Við Gunni erum búin að fara á Islandsbrygge og sóla okkur soldið frekar næs
Svo erum við búin að kíkja á útsölurnar sem geta verið ansi magnaðar hér í Danmörku. 'Eg keypti mér 3 kjóla og eitt pils nota bene frekar flottar flíkur á 550 kall danskar og Gunni keypti sér þvílíkt töff jakka á 100 kall sem átti að kosta 1300. Svo erum við búin að kaupa allskonar sniðugt í nýju fínu íbúðina eins og barstóla
Í gær fórum við svo í algjöra menningarferð um Köben ég gaf Gunna sona cph card í sumargjöf hérna í byrjun sumars sem gefur manni ókeipis aðgang á fullt fullt af söfnum á Sjálandi. Við byrjuðum á að fara á Ny Carsberg Glyptotek sem er risa stórt safn með allskonar listaverkum styttum, málverkum allstaðar að úr heiminum. Picasso, van gogh og félagar voru allir með verk þarna. Svo sáum við þessar múmíur frá 300 fkr Því næst fórum við á Dansk design center sem er alltaf með flottar sýningar um danska hönnun núna var það um danska fatahönnun. Svo fórum við á Kunstindusrimuseet sem er allskonar húsgagnahönnun frá bæði kína og evrópu og svo Danmörku að sjálfsögðu alveg ed fyrir mig þar sem maður gat séð fullt af þessum klassísku dönsku húsgögnum eins og þennan hérna
Svo fórum við á arbejdermusseet þar sem við gátum séð hvernig verkalíðurinn í dk lifði í gamla daga. Þvínæst fórum við á Zoologisk museum þar sem við sáum allskonar uppstoppuð dýr allt frá köngulóm uppí ljón. Svaka flott safn. Svo slúttuðum við túrnum á H.C Andersen safninu sem var svona lala en allt í allt mjög fínn dagur.
Svo erum við búin að stússast allskonar því það er nú svo svo margt sem þarf að gera áður en maður flytur svona úr landi. Allskonar leiðinleg pappírsvinna og reddingar hér og þar. Helgin fer svo í að pakka restinni af dótinu okkar því svo förum við með það í gáminn á þriðjudaginn svo það verði komið til Íslands á sama tíma og við svo við getum flutt inn sem fyrst. Later Ragga

Munkalíferni framundan...

2007-07-17T09:35:00.000+02:00

...samt ekki eins og þið haldið :) Málið er að hér á Prags Boulevard er undirbúningur fyrir flutning kominn vel á veg og eru 15 kassar þegar orðnir fullir af fötum og öðrum smámunum. Við munum nefninlega flytja dótið okkar út þann 24. júlí og munum því verða án nær allra veraldlegra gæða í eina viku. Aftur á móti mun innbúið koma sadægurs okkur til Íslands. En þessi vika verður notuð til að mála íbúðina og stunda innhverfa íhugun og flest annars en að láta undan tímaþjófum á borð við internets og sjónvarps.

Þetta gæti reyndar skapað smá vandamál í daglegu lífi okkar. Hvað gerum við t.d. varðandi matseld og hjólarferða í vinnuna? Hmmm....það fyrrnefnda verður kannski ekki vandamál...”ég sé fyrir mér töluvert magn af kínamats og pizzaboxum eftir 10 daga”. Við munum einnig halda eftir rúminu okkar, sófanum, einu borði og nokkrum smámunum, sem við ætlum að skilja eftir eða reyna selja. B.t.w. ef e-r vill sófa á 350, eldhúsborð á 250 eða rúm á 600, þá látið vita.

Svo erum við einnig búin að vera dugleg að nýta okkur ákvæðið í tollalögunum um að “fólk búsett í eitt ár eða lengur, má hvert flytja inn nýjar vörur að verði 100.000 kr án þess að borga af því skatt”. Ekki slæmt það og ekki verra að hægt er að það er hægt að fá danska virðisaukann endurborgaðann gegn stimpli frá íslenska tollinum. Við erum því búin að versla okkur m.a. þvottavél ásamt öðru dóti sem er fyrir mun ódýrara hér en heima. Gott ef ég bað ekki um tax free á Mcdonald´s hér um daginn.

Farið er komið!

2007-07-16T18:09:00.000+02:00

Jæja, það var mikið að Íslendingar gátu séð sér fært um að aflétta einokuninni á góða veðrinu og leyfa öðrum að njóta veðurblíðunnar :) Hitinn í dag hefur eflaust skriðið uppí 30 stigin og því ágætis byrjun á sumarfríinu okkar!

News update

2007-07-12T20:09:00.000+02:00

Ég kíkti aðeins á heimasíðu Sálfræðingafélag Íslands í dag og sá þar óvænta kveðju:

Nýir löggiltir sálfræðingar

Frá Heilbrigðis– og tryggingamálaráðuneytinu komu í gær tilkynningar um að

Sandra Guðlaug Zarif og Gunnar Páll Leifsson

hefðu fengið löggildingu sem sálfræðingar. Til hamingju!

Ég segi bara takk fyrir það!

Ég get að auki upplýst lesendur með því að ég er kominn með starf og mun hefja störf sem á Þjónustumiðstöð Vesturbæjar þann 15. ágúst! Gaman að því. Ég var meira að segja einnig kominn með annað atvinnutilboð og gat því valið á milli. Ágætis tilbreyting frá atvinnuleitinni hérna úti, þar sem ég sendi út á bilinu 50-60 atvinnuumsóknir og fékk boð um að mæta í eitt atvinnuviðtal! Það hreystir mann því heldur betur upp að hafa farið í tvö atvinnuviðtöl heima á Íslandi og fengið báðar vinnurnar!

Hversu danskur ertu?

2007-07-11T17:08:00.000+02:00

Landvistaleyfi útlendinga í Danmörku hefur mikið verið í umræðunni hér undanfarið. Til að fá skorið úr um hvort þeir eigi rétt á slíku, hafa yfirvöld brugðið á það ráð að semja próf, sem kanna eigi hvort viðkomandi þekki sögu þess og helstu einkenni. Dæmi um spurningar eru t.d. hvenær Danir misstu yfirráð sín yfir Íslandi (hmmm...), hve stórt hlutfall íbúa eru innflytjendur eða afkomendur þeirra, um pólitík, ofl. Það er náttúrulega algert rugl að neita þeim um landvistarleyfi byggt á þessu prófi, þar sem fullt af Dönunum fá falleinkunn. En það falla víst nú fáir, þar sem þetta eru eiginlega alltaf sömu spurningarnar og því auðvelt að undirbúa sig. En það próf kannar nær einungis þekkingu þeirra á landinu og sögu þess, þegar það væri kannski sniðugra að kanna hvort þeir hafi aðlagast/samrýmast (integrerast) landinu nægilega vel? Að sjálfsögðu er þetta aðeins hugmynd, enda er fjölbreytileiki nokkuð sem er eftirsóttur, í stað þess að allir séu steyptir í sama mót. Það var því einungis til gamans gert að ég samdi svona próf aðallega fyrir Íslendinga sem búsettir hafa verið í Danmörku, en líka fyrir alla aðra sem vilja sjá hversu danskir þeir eru. Vesskú...

Spurningar

1. Hvernig ferðastu aðallega um Kaupmannahöfn/Danmörku?
1. Á hjólinu mínu (3)
2. Með strætó, metró og/eða lest (2)
3. Með bíl (1)
4. Með bíl sem er innfluttur frá Íslandi (0)

2. Hvað snæðirðu þegar þú ferð í vinnuna/skólann?
1. Nesti, sem ég hef útbúið heima (2)
a. Plús eitt stig, ef nestið samanstendur af rúgbrauði og e-u áleggi (1)
b. Plús eitt stig ef það er “mellemlagspappír” á milli (1)
c. Plús eitt stig, ef grænmeti er með í för (gulrætur, agúrka, tómatar) (1)
d. Mínust eitt stig, ef það er pizza frá því í gær (-1)
2. Kaupi mér/fæ oftast mat í mötuneytinu (0)

3. Geturðu drukkið tvo bjóra á virkum degi og látið þar við sitja?
1. Já (1)
2. Nei, best að fara alla leið fyrst maður er byrjaður á þessu (0)
3. Drekk ekki bjór (-1)

4. Þegar þú ferðast um götur Danaveldis á hjóli, gangandi eða í bíl, þá...
1. bíð ég alltaf eftir grænu ljósi (3)
2. bíð ég oftast eftir grænu ljósi (2)
3. stekk ég eða keyri yfir alltaf þegar ég get (1)

5. Hefurðu farið á Hróaskeldu (sunnudagsheimsókn telst ekki með)?
1. Já, nokkrum sinnum (2-3svar) eða oftar (3)
2. Já, einu sinni (2)
3. Nei, en stefni á að fara í framtíðinni (1)
4. Nii...er ekki mikið fyrir svona fylleríslæti (0)

6. Hefurðu fylgst með viðburðum konungsfjölskyldunnar (t.d., fæðingu, brúðkaupi skírn)?
1. Já, öllum þremur (3 stig)
2. Já, einu af ofantöldu (1)
3. Nei, ekki neinu (0)
4. Nei, þetta er nú alger sóun á skattpeningunum (-1)

7. Hvert er uppáhaldsorð Danans?
1. Mangfoldighed (a)
2. Fællesskabet (b)
3. At overskride sine grænser (c)
4. Allt ofantalið (d)

8. Þegar þú lendir í biðröð í verslun og ert að flýta þér, hvernig bregstu þá við?
1. Horfir óþolinmóður eftir röðinni (1)
2. Kallar hvort það séu ekki fleiri starfsmenn að vinna? (0)
3. Reynir að troða þér framar með afsökunum (-1)
4. Tekur lífinu með stóískri ró og segir við sjálfan þig, að þú ert ekkert betri en aðrir og bíður bara rólegur (2)

9. Hvernig er danskan þín?
1. Hvaða danska, nota bara ensku (0)
2. Lala...segi bara jå, nej, tak og en stor øl (1)
3. Þokkaleg, það fóru reyndar allir að hlæja þegar ég sagði við matarborðið að “jeg var så sød at jeg var ved at springe” (2)
4. Skidegod, get vel rifist við Dana á dönsku (3)

10. Endurvinnurðu hluti?
1. Niii...nenni því ekki (0)
2. Jáhá, samt aðallega tómar bjórflöskur, hálfur kassi þar! (1)
3. Bónus stig fyrir hvern aukahlut sem þú endurvinnur:
a. Blöð (1)
b. Lífrænan úrgang (1)
c. Batterí (1)
d. Ef þú ferð með flöskur sem þú færð ekki pant fyrir (1)

11. Spararðu vatnið? Hve langa sturtu tekurðu?
1. 20 mín, að minnsta kosti (0)
2. tek ekki ekki sturtu, fer alltaf í bað (-1)
3. rúmlega 10 mínútur (1)
4. milli 5- 10 mín (2)
a. Auka stig ef þú ert með múrstein í klósettkassanum til að minnka vatnsmagnið (1)

12. Hvað ertu að gera þriðjudaginn í viku 41?
1. Viku what now!?! (0)
2. Ekkert komið enn á dagatalið (1)
3. Úff, dagurinn lítur út fyrir að vera þéttskipaður. T.d. sund klukkan 16:30 með vini og svo hittingur með lesgrúppunni minni vegna prófsins (2)

13. Hver er uppáhalds skyndibitinn þinn?
1. McDonald´s (0)
2. Pizza (1)
a. Ef það er Domino´s pizza, þá mínus eitt stig (-1)
3. Kebab (2)
4. Rauð pulsa með brauði “on the side” (3)

14. Það hefur verið boðað til fundar í íbúðarhúsinu sem þú býrð í, vegna umræðu um hvernig klósettpappír á að kaupa fyrir næsta árið. Hvað gerirðu?
1. Mæti á fundinn, vel undirbúinn yfir kosti og galla hverrar gerðar og tek virkan þátt í hringborðsumræðunum (3)
2. Mæti, en hef mig lítið frammi (2)
3. Mæti ekki og nota það sem þeir láta mér í hendur (1)

Stig fyrir spurningu 7. Eitt stig fyrir liði a,b,c, og 3 stig fyrir lið d.

Heildarstig: ____

Niðurstöður1-15
Þú heldur bara þínu íslenska striki og ert ekki mikið að spá í hvernig danska samfélagið virkar. Þú ert líklega annaðhvort nýkominn til landsins eða tilheyrir íslenska samfélaginu við DTU (Dansk Tekniske Universtiet). Þú ert líklega á leiðinni heim bráðlega, eða hefur a.m.k. ekki hugleitt það að ílengjast hér og getur ekki beðið eftir að hrynja í það, eins og sönnum Íslendingi sæmir.

16-30
Naah, þú hefur greinilega tileinkað þér nokkra tilburði Danans. Þú gætir næstum horfið í hópinn, ef ekki væri fyrir augnaráðið sem er sífellt á iði sem gefur til kynna að þú býst enn við að sjá e-n sem þú þekkir á röltinu og að þér finnst það enn ekki vera orkusóun að skoða mannfólkið (á þó ekki við um “babe-watch”). Þú hefur líklega verið hér í þónokkurn tíma eða þá að þú hefur aðlögunarhæfni kamelljónsins. Kæmi ekki á óvart að þú mundir búa hér a.m.k. tvö ár í viðbót.

31-41
Varstu Íslendingur? Velkominn til þíns nýja heimilis og láttu fara vel um þig, því þú ert ekkert að fara næstu áratugina. Þú ert líklega í þessum töluðu orðum á Hróaskeldunni núna með jónu og bjór, dansandi úti í rigningunni. Hérna er svo mynd af þér hvernig þú verður í ellinni, hjólandi á Norðurbrú þar sem þú býrð nú í “andelsíbúðinni” þinni.

Sjálfur fékk ég 24 stig sem gerir mig að þónokkuð miklum Dana, enda búinn að búa hér í 3 ár. Það var alltaf hugmyndin að flytjast heim að námi loknu, en sá varnagli var þó hafður að það skyldi endurskoðað, ef maður hefði fengið vinnu við sitt hæfi að námi loknu, og vitum við öll hvernig fór um sjóferð þá.

Ég bara vona að sem flestir taki þátt og hafi gaman ad. Thad væri einnig skemmtilegt ef their mundu skrifa stigin sín í kommentakerfið og jafnvel nokkur orð aukreitis eða hugmyndir um fleiri spurningar.

Drulluskelda

2007-07-09T19:24:00.000+02:00

"Ertu að fara fiska?", var spurningin sem ég fékk þegar ég labbaði framhjá krökkunum í garðinum á laugardaginn. Nei, ég er að fara á FESTIVAL! Og "Fest" var það. Það hafði reyndar ekki svo mikið sem hvarflað að mér að fara á Hróann á fimmtudaginn þegar úrhellið var svo mikið, að það jafnaðist á við heildarúrkomu blautustu hátíðarinnar fyrir þessa. En það þýddi líka hins vegar að mikinn straum fólks lagði frá hátíðinni með enaga ósk þá heitari en að komast í heita sturtu og þurra sokka. Þeim langar ekki einu sinni að eiga bandið sem minjagrip og voru flestir tilbúnir í að selja það fyrir skiptimynt. Ég fékk mitt á 100 Dkr frá stelpuskjátu á Hovedbanegaarden og svo lá leið til saumakonunnar Ragnheiðar til að sauma það saman aftur, þar sem ég þurfti að klippa það af hendinni á stelpunni. Það gekk mjög vel, þrátt fyrir að bandið var mjög þröngt, þar sem stelpan var með svo granna handleggi. Smá stress og erfitt að sauma, en ekkert mál fyrir vana konu, og voila, eins og nýtt.

Og eins og mamma sagði alltaf, þegar maður klæðir sig eftir veðri, þá er ekkert sem heitir vont veður. Það var nú reyndar ekki hægt að klæða af sig úrhellið á fimmtudeginum, en veðurspáin fyrir laugar- og sunnudag hljómaði uppá þurran og sólríkan sunnudag og smávægis vætu á laugardeginum (sem ég slapp reyndar við).

Ég ákvað því að skella mér uppeftir með bakpoka og bjór og vona að vörðurinn mundi ekki tosa bandið af mér við innganginn. Allar þesskonar áhyggjur voru óþarfar og flaug ég inn. Uppi á svæðinu beið mín hópur Íslendinga, sem kalla ekki allt ömmu sína, með samanlagða Hróareynslu uppá 13-15 ár. Ég gat alveg sleppt því að koma með tjald og vesenast að koma því fyrir í drullunni, því eitt yfirgefið hreint, þurrt tjald var í boði fyrir mig, með dýnu og alles. Ég þakka bara hverjum þeim sem átti útbúnaðinn alveg kærlega fyrir gistinguna, sem og dýnuna sem ég tók með heim.

Það var samt frekar fyndið að mæta þarna uppeftir, nýrakaður og tandurhreinn og í miklu meira stuði en allir aðrir, sem voru búnir að velkjast í drykkju og drullu alla seinustu viku. Ósjaldan var ég spurður hvað ég væri eiginlega að gera hérna, eins og þeir skildu ekkert í því! Mér fannst það reyndar ekki vera nein spurning að mæta fyrst ég gat fengið miðann svona ódýrt. Drullan var bara til að gera þetta skemmtilegra...

Dagskráin sem var eftir var kannski ekkert meiriháttar, en að sjálfsögðu voru þarna fullt af tónleikum sem mig langaði til að sjá. Ég missti reyndar af Flaming Lips og The Who á laugardeginum, en sá aftur á móti Red Hot Chili Peppers, Muse, Basement Jaxx, Wilco, Whitest Boy Alive, Arctic Monkeys og Datarock (smá videó hér). Allt alveg mjög góðir tónleikar og erfitt að gera uppá milli. Ætli Muse hafi ekki vinninginn, þrátt fyrir að mér var svo mikið mál að míga undir lokin, að ég bað til Guðs um að þetta skildi vera seinasta lagið. Hefði átt að taka Rolling Stones trikkið á þetta með plastglasið :)
Eftirminnilegust tónleikarnir voru samt eflaust settið sem Tiesto tók á Arena á laugardagskvöldið. Þvílíkt ljósasjó´ og þungur bassataktur að fátt getur slegið út þá upplifun.

Allt í allt, alveg asskoti góð skemmtun og alltaf jafn sérstök upplifun að fara á Hróann. Maður fær svona betri skilning á hvað FESTIVAL raunverulega er. Allt er svo stórt um sig, stærstu böndin að spila undir frábærum aðstæðum hvað hljóð og pláss varðar, 100 þús. manns á svæðinu og öll framkvæmd og skipulagning 100% eins og Dönum er einum lagið.

Svo er bara að mæta 2008 enda engin smá dagskrá komin...

Slatti af myndum hér

Mér finnst rigningin góð

2007-07-07T21:29:00.000+02:00

Farinn á Hróann .... Later

Skin og skúrir...aðallega skúrir samt

2007-07-05T23:22:00.000+02:00

Já, þetta fór eins og ég óttaðist. Eftir vetur þar sem hitinn fór varla undir frostmark og sólin skein bjart, vorið eitt það besta í manna minnum, er nú komið að skuldadögum. Það hefur ekki komið rigningarlaus dagur í allan hel$%$is júní mánuð og er hann sá blautasti í 130 ár. Þessu var einmitt öfugt farið í fyrra, þegar frostveturinn mikli var, en sumarið sól útí eitt (eða þangað til í ágúst þegar það byrjaði að rigna). Þetta eru því voða sveiflur alltaf og virðist þær vega hvor aðra upp. Ég ætla bara rétt að vona að júlí mánuður vegi þá þennan júní mánuð upp, því hann er sá seinasti okkar hér í Danaveldi. Ég held allaveganna að Hildur og Níels, sem voru hér í heimsókn, séu næstum fegin að koma heim í sólin, þ.e.a.s. ef hún verður ekki farin þegar þau lenda heima.

En það var heilmikið brallað hér á bæ, að venju þegar gesti ber að garði, eins og sjá má á myndunum hér og að neðan.

Fleiri myndir hér

dýraklám

2007-07-05T21:39:00.001+02:00

Við fengum smá áfall þegar við vorum í dýragarðinum núna daginn. Við vorum komin að apabúrinu, sem er nú alltaf skemmtilegast, en var sérstaklega áhugavert núna, þar sem útungunartíminn var nýliðinn og þess vegna fullt af nýfæddum of forvitnum apaköttum útum allt búrið. Sáum á skiltinu á þeir fæddust í apríl. Þeir eru e-ð að hoppa þarna um og detta, þegar það kemur einn aðeins eldri og fer að snúast í kringum einn lítinn apa. Við veitum þessari sérstöku hegðun athygli en hoppum svo hæð okkar í lofti þegar hann grípur allt í einu þéttingsfast utanum greyið og fer að hamra hann aftanfrá á fullu!! Sá litli nær að forða sér en við fylgjumst sko með níðinginum með illu auga og vorum við öll sammála um að hann liti mjög perralega út.

Big fish

2007-07-05T21:16:00.001+02:00

Hann er svolítið skemmtilegur leikskólinn sem við skötuhjúin erum að vinna á. Það er nefninlega ekkert verið að tala við börnin á þessu barnamáli, t.d. ekki sérðu kis kis, heldur sérðu köttinn/kettlinginn? Einnig er ekki komið með barnaútskýringar á daglegu lífi, heldur er næstum rætt við það eins og vel þroskaða einstaklinga, líkt og í tengslum við umræðuna um Ungdomshuset. Nú veit ég reyndar ekki hvernig þetta er á öðrum leikskólum, en mér finnst þetta vera mjög jákvætt og þroskandi fyrir börnin.

Í tenglsum við þetta, þá er einn leikur mér finnst nokkuð atyglisverður. Þetta er svona venjulegur "klukk" leikur, sem heitir "allir mínu litlu kjúklingar komiði heim". Það er sem sagt einn krakki sem kallar á alla hina sem eru hinu megin á salnum og einn úlfur í miðjunni. Krakkinn sem kallar á hina segir "öllum sínum litlu kjúklingum að koma heim, sem þeir svara svo að það geti þeir ekki, því þá "drepur úlfurinn þau og drekkur blóðið þeirra og étur kjötið"! E-ð annað en hinn venjulegi stórfiskur þar á ferðinni. Var þessi stórfiskur kannski hákarl í dentid?

Tímaeyðsla

2007-06-27T17:21:00.000+02:00

Mér finnst varla taka því að vera þrífa þegar það er aðeins mánuður í að við flytjum, er það bara ég eða...?

Lúxus heimsókn lokið

2007-06-26T22:55:00.000+02:00

Nú er heimsókn Inga Sölva og Guðnýjar lokið og þau komin til sinnar heima í Lúxemborg. Sjaldan hef ég gert jafn mikið og þessa helgi. Partý á partý ofan hjá Óla, ásamt ótal málverðra og ölkrúsa á kaffihúsum bæjarins, sem og rússíbanareiðra lokið. Við ættum því að vera í góðri æfingu þegar Hildur og Níels koma núna á fimmtudaginn :)

Reyndar varð Guðný fyrir því óláni að vera rænd og eru þeir orðnir ansi margir sem ég þekki sem hafa lent í þessari óskemmtilegri reynslu. Við vorum að snæða á Mama Rosa og hafði hún sett veskið kyrfilega kringum stólbakið. Eflaust verið klippt með skærum á sama augnabliki og þjóninn stal athygli okkar. A.m.k. erum við komin með aragrúa af samsæriskenningum um hvernig henni var stolið. Passið ykkur allaveganna ef þið borðið við Mama Rosa á Strikinu! En við létum það ekki slá okkur út af laginu...

Ekki veit ég nákvæmlega hvað það var, en sjaldan hef ég heyrt í jafnmörgum Íslendingum og þessa helgi. Reyndar fórum við í Mekka túrismans, Tívolíið, og þar mátti heyra í mörgum Íslendinginum spjalla um tónleika Timburvatnsins kvöldið áður. Hitti ég meira að segja Pétur Stein á Strikinu, gamlan og góðan vin, sem ég hef séð svo árum skipti...ekki einu sinni á Íslandi. Svona er nú bara Strikið...:)

Ingi kom með ansi góða myndavél sem ég varð alveg bálskotinn í og þess vegna var nóg tekið af myndum og þið kíkt betur á hvað var brallað þessa daga sem sem og seinustu mánuði. Myndir hér

Ibud

2007-06-26T13:11:00.000+02:00

Vid Gunni erum buin ad versla okkur eina ibud. I Asakor 11. Vid erum i skyjunum med tetta og ekki verra ad flytja beint heim i eigid.

Ahugasamir geta sed fleiri myndir her http://public.fotki.com/gerdurbh/ibud/

Kvedja Ragnheidur

að vera veik eða ekki vera veik það er spurningin

2007-06-22T15:42:00.000+02:00

Já þetta er nú búin að vera meiri vikan. Ma og pa voru í heimsókn hérna um seinustu helgi og þá fer Gunni eitthvað að kveinka sér yfir verkjum í hálsi, hann var því heima meðan við fórum í búðir o.fl. Daginn eftir Sunnudag er ég komin líka með í hálsinn og ég sem var búin að láta fjarlægja hálskirtlana með allri þeirri kvöl og pínu sem því fylgir. Við liggjum og aumkum okkur allan sunnudaginn, en á mánudeginum var Koloni með leikskólanum svo ég harka af mér og finst ég bara nokkuð hress. Ég legg íann með leikskólanum alla leið til Faaraarvejle já öruglega ekki nokkur maður sem veit hvar það er enda sumarhúsahverfi á Norður Sjálandi. Það var nú ekkert nema yndislegt þar strönd og sól og hiti og já hálsbólgan hún elti mig sko alla leiðina á Koloni. Mér versnaði svo að ég þurfti að fara heim með skottið milli lappana á þriðjudeginum. Gunni fór svo uppeftir á miðvikudeginum hress og frískur eftir pencilínkúr frá lækninum. 'Eg fékk að liggja til föstudags í refsingarskyni fyrir að hafa stungið af allt of snemma.
Í kvöld eru Ingi Sölvi og Guðný unnustan hans að koma í heimsókn og verða yfir helgina, svo eins gott að heylsan verði komin í gott lag, því það verður sko líklega kíkt out on the town. Svo koma Hildur og Níels á miðvikudaginn og verða í viku þannig að það eru góðir tímar framundan hérna í litla kotinu á Prags Boulevard.

Tvífarar vikunnar

2007-06-16T11:37:00.001+02:00

Jæja, þá er líklegast komið að seinasta tvífara vikunnar í bili. Nú er flestum deildum lokið og fotboltaáhorf þar af leiðandi, dottið niður allsvakalega. Ég nærist samt á sögusögnum um hverjir ætla að kaupa hverja, og eftir að hafa séð myndina af Carlos Tevez hjá West Ham, þá get ég ekki annað en parað hann við hinn vinsæla Shrek. Ég er ekki frá því að þeir líkjast meira en hinn tvífari Shrek´s, hann Wayne Rooney. Hvað segið þið um það?

Svo af því þetta er nú væntanlega seinasti pósturinn um þetta efni, er kannski ekki úr vegi að bregða aðeins útaf vananum og bera saman tvo þekkta fótboltamenn (en ekki einn frægan og einn úr boltanum).

Þessir hafa báðir gert garðinn frægann gegnum tíðina og hefur þeim oft verið líkt saman, jafnt innan vallar sem utan. Þetta eru auðvitað engir aðrir en sá kunni fótboltaknappi: Leifur Franzson úr Lunch United og sonur hans Gunnar Páll Leifsson úr If Guðrúnu (reyndar er útlit fyrir að samningar milli Fc Fame og Guðrúnar séu að ganga í gegn, og því mun Gunnar spila fyrir þá síðarnefndu, núna strax í lok sumars!)
Báðir eru þeir myndarlegir með eindæmum og eru báðir þekktir fyrir hógværð sína. að auki eru þeir báðir örfættir (eða specially gifted eins og þeir kjósa að nefna það) og eru þekktir fyrir sínar 60 metra löngu glæsisendingar ;)

Íslenskur 17. júní

2007-06-16T11:19:00.000+02:00

össs...þá er ég búinn að næla mér í eitt stykki hálsbólgu. Er búinn að vera kljást við kvef og hósta það sem af er vikunni svo allt er þá þegar þrennt er. Þetta setur sumarbústaðaferðina í algert uppnám! Þetta eru líklega allt refsingar fyrir að klæðast Don Juan skyrtunni, allan seinasta laugardag og kvöld (sjá mynd að neðan)! There can be only one...

Alveg magnað samt hvað mér (og líklega flestir öðrum) dreymi alltaf súrustu draumana þá. Ég man eftir tveimur slíkum frá því í nótt. Sá fyrsti fjallaði um að ég var fjöldamorðingi, ekki svo skemmtilegur draumur, og sá seinni fjallaði um mig á Hróaskeldu. Hljómar vel ekki satt? Reyndar ekki, því í stað þess að vera skemmta mér, þá svaf ég alla hátíðina af mér...Ég veit eiginlega ekki enn hvor draumurinn er verri!

Í dag er svo haldið uppá 17. júní hér í Danaveldi!?! Það er víst e-r hefð fyrir því að halda uppá daginn, á þeim laugardegi sem er nær þeim 17.! Mjög sérstakt. Sérstaklega þar sem hann er á sunnudegi í dag. Það gæti reyndar verið að þeir hafi séð veðurspána og viljað halda uppá hann með íslensku sniði...?

helgin og næsta helgi

2007-06-12T20:54:00.000+02:00

Sælt veri fólkið

Jæja, ætli það sé ekki best að tala aðeins um veðrið fyrst eins og sönnum Íslendingi ber að gera, en það er nebbla búið að vera þessi þvílíka blíða undanfarið, 25 til 30 stiga hiti, heiðskýrt, og ég veit ekki hvað. Svo er búið að taka viftuna uppúr geymslunni, því annars er ólíft hér á nóttunni.

Við Gunni fórum á Islandsbrygge að sóla okkur og skella okkur smá í sjóinn á laugardaginn var, en þó svo að við hefðum smurt okkur inní sólarvörn alveg hægri vinstri, þá dugði það ekki til, og við ristuðumst bæði vel á ristunum.

Um kvöldið hittum við svo Óla og Louise á leynigrillstaðnum þeirra, þar sem var ansi afskekkt og rómantískt að vera að kvöldlagi til. Ég er bundinn ströngum þagnareið um hvar þessi staður er, en hann sagði ekkert um að birta myndir :)

Seinna um kvöldið kíktum við svo á allsérstakann skemmtistað, sem var vel falinn inní verksmiðjuhverfi, lengst útá Holmen, fjarri allri mannabyggð. Við runnum á þungan bassataktinn, og komum svo að þessum þvílíka skemmtistað, sem var utandyra með skeljasandi og huggulegum sófum og stólum útum allt.

Við nýttum einnig góða veðrið til að fara í hjólatúr til Dragör, sem er svaka fallegur bær hérna 12km fyrir utan bæinn. Þar voru m.a. speglar á öllum húsum, svo að frú Jacobsen geti nú fylgst með öllum sem labba framhjá og slúðrað eins og eldri konu sæmir.

Hjóluðum altsa undir flugvöllinn! Okkur brá ansi mikið þegar við sáum eina svona, allt í einu skjótast uppúr jörðinni, með tilheyrandi látum.

Annars er allskonar að gerast hér á næstunni ma og pa eru að koma á fimmtudaginn og amma og afi lika svo það verður kátt í höllinni. Aldrei að vita nema það verði smá bíó að auki...

Á mánudaginn, gerum við svo nokkuð sem okkur hefur lengi langað til að gera, sem er að fara í sumarbústað. Sumarbústaðaferðin verður þó ekki með því sniði sem flestir okkar kannast við, þ.e. pottur, bjór og afslöppun, heldur verður þetta ferð með leikskólanum, þar sem helmingurinn af börnunum koma með. Við eigum því eftir að vera á hörkulaunum allan tímann ;) Strönd, grill og sól (vonum við) fram á næsta föstudag.

ciao Ragnheidur

BASE TANIÐ ER KOMIÐ!!!

2007-06-11T23:14:00.000+02:00

Eins og flestir vita er þvílíka hitabylgja skollin á hér í Danaveldi, 30 stiga hiti og ekkert annað að gera en að sóla sig nálægt sjónum og njóta lífsins. Þetta horfir hins vegar aðeins öðruvísi við þegar í vinnuna er komið og allir krakkarnir eru að leika sér útivið. Maður fer frekar í það að leita sér að næsta skugga í stað þess að skipta sér af börnunum og vonar svo innilega að þau leiki sér bara og láti mann í friði :). "Jájá, þú mátt alveg stökkva þaðan niður", "ekki berja hana svona fast í hausinn", og "láttu geitungabúið vera?", eru allt setningar sem var freistandi að segja í dag, en maður lét sig hafa það að standa upp ;)

Add to basket

2007-06-06T23:43:00.000+02:00

Við skötuhjúin erum búin að vera versla aðeins á netinu undanfarið. Við sáum til að mynda eina mjög flotta íbúð í Kórahverfinu í Kópavogi, sem okkur leist bara svona vel á, að við ákváðum að skella í körfu og vorum tilbúin með VISA kortið. Það reyndist svo ekki alveg svo auðvelt að kaupa íbúð, svo við þurftum að senda inn undirskrifað tilboð. Þetta krafðist þess að ég þurfti að yfirgefa fótboltaæfinguna hálftíma fyrr en venjulega, til að geta sent tilboðið innan lokunnartíma fasteignasölunnar. Það var því töluverður spenningur í loftinu og ansi mikilvægt að komast heim í tæka tíð.

Mér sýndist lánið ætla leika við mig, því ég heyri lestina koma og ákveð að gefa í hann, enda ómögulegt að vita hvenær næsta lest kemur. Ég hleyp upp þessa löngu stiga og rétt næ að stökkva uppí hana og hrósa happi. Ég náði reyndar ekki að klippa af klippikortinu, en ákveð að gera það bara á næstu stöð. Ég stekk því út á næsta stoppi og reikna með að ég hafi góðan tíma (amk 30 sek). Neinei, Um leið og ég er kominn smá spotta út og reyni að klippa (maskínan virkar að sjálfsögðu ekki), heyri ég að dyrnar eru að lokast, allt of snemma. Ég gef í en næ þeim ekki. Til að bæta gráu ofaná svart, sé ég síðan að það eru 20 mínútur í næstu lest! Tek nett kast í biðskýlinu...Enda svo með að taka strætóa eftir e-m krókaleiðum og kem heim alltof seint svo við náum ekki að senda tilboðið (aðrir höfðu nebblilega verið að bjóða líka). Jæja, tilboðið komst til skila í dag, svo nú er bara að bíða og sjá.

Ekki það að þetta atvik hafi verið neitt annað en bara óheppni, þá minnti það mig á annað svipað atvik sem ég lenti í frostveturinn mikla 2006. Þá var ég einmitt búinn að vera hlaupa á eftir strætó sem kom á 15 mín millibili. Það vildi svo til að ég hafði verið að tala í símann þegar ég var að hlaupa, og er svona að ganga frá honum í vasann og geng því seinustu metrana að vagninum. Þegar ég kem uppað honum þá lokast dyrnar skyndilega, alveg þegar ég við það að stíga uppí hann. Ég verð steinhissa og horfi á vagnstjórann og vinka til hans. Hann horfir á mig. Ég horfi á hann. Svo rennur það upp fyrir mér...HANN ÆTLAR EKKI AÐ OPNA FYRIR MÉR! Strætóinn keyrir burt...Ég ber í rúðuna og bölva vel og vandlega. Djö...hefur hann hlegið sig í svefn þessa nóttina þetta helvíti. En þetta virkaði hjá honum. Ég hef sko aldrei labbað seinustu metrana að strætónum eftir þetta...

meiðsli

2007-06-06T23:42:00.000+02:00

Já, slysin gera ekki alltaf boð á undan sér. Reyndar er það nú oft með slysin í íþróttum, að þau koma upp ef viðkomandi hefur ekki þjálfað nægilega vel og undirbúið líkamann fyrir komandi átök. Þetta á nefninlega einmitt við mín meiðsli þessa stundina. Ég er með það sem vanir hermann kalla “strained trigger finger”. Ég var nefninlega ekki búinn að spila battlefield 2 í góðar þrjár fjórar vikur, og svo núna í vikunni tók ég tvær, þrjár góðar rispur. Ég hef greinilega hamast það vel á skottakkanum, að ég finn alltaf til í vísifingrinum þegar ég hreyfi hann upp og niður. Þetta kemur sér afar illa þegar þarf að blogga eða spila smá. Ég hef reyndar brugðið á það ráð að teipa saman vísi –og baugfingurinn þegar til kastanna kemur. Það er mjög sárt en ég bít bara á jaxlinn. Djö...harka alltaf í manni!

meiri villimennirnir þessir Danir...

2007-06-03T15:20:00.001+02:00

Þetta var nú meiri fótboltaleikurinn í gær, þegar Danir tóku á móti Svíum í Parken. Svíar komast yfir 3-0 eftir 25 mínútur, en Danir ná að jafna um miðjan seinni hálfleik og stemmingin yfirgengileg. Danir eru svo við það að skora 4. markið þegar á 88. mínútu dómarinn stoppar skyndilega leikinn, þar sem Svíi er liggjandi í jörðinni eftir sókn Svíanna, og sýnir einum Dananum rauða spjaldið. Heyrðu, þá hafði Chritsan Poulesen tekið sig bara til og gefið einum Svíanum bylmingsfast högg í magann með krepptum hnefa! Rautt spjald og víti, og vonir Dana til að sigra leikinn að deyja út. Heyrðu, þá ryðst bara þessi áhorfandi inná völlinn og ræðst á dómarann. Dómarinn fær náttúrlega vænt sjokk og endar með því að úrskurða leikinn ógildan og dæmir Svíum sigurinn. Mjög umdeildur dómur. En Danir fá líklega háar sektir og aðrar álögur. Mér finnst reyndar að dómarinn hefði átt að gefa sér betri tíma áður en hann blés leikinn af.

En þessi Dani sem ruddist inná völlinn á heldur betur eftir að eiga erfitt uppdráttar í Danmörku það sem eftir er að ævinni hans. Reyndar hef ég heyrt að Svíar ætli að gera hann að heiðursborgara í sínu landi. Segi svona ;) þeir eru alveg jafn fúlir og Danirnir, þeir vorur jú við það vinna leikinn.

Samt nokkuð skondiðað mjög svipaður leikur var spilaður af IF Guðrúnu og öðru dönsku liði fyrr um daginn. Við vorum 4-1 yfir í fyrri hálfleik, en svo jafna þeir eftir aðeins 20 mínútur. Hvað gerist svo, jújú, einn Daninn gerist sekur um viljandi árás á einn okkar manna og fær að sjálfsögðu rautt spjald! Þetta eru ekkert nema ruddar þessir Danir upp til hópa ;) Okkar maður sem var ráðist á var svo heppinn að æstur áhorfandi nápi ekki að ryðjast inná völlinn þökk sé góðri öryggisgæslu ;) Við unnum svo leikinn 6-4! en En ég hef tekið það að mér að vera pistlaritari eftir hvern leik, og þeir sem hafa áhuga á að lesa meira um leikinn geta kíkt hingað.

Gus Gus og Pétur Ben

2007-06-03T14:42:00.000+02:00

Ég er með vel stimplaða hönd eftir tónleika og djamm helgarinnar. Á föstudeginum var kíkt á Gus Gus á skemmtistaðnum Lille Vega við Istegade. Tónleikarnir voru liður í e-u elektrónísku festvali í köben og iðaði öll gatan af lífi og mannfólki þar sem Dj-ar og partýhöld voru úti á hverju götuhorni og görðum...ég get ekki beðið eftir að flytja heim :/

En tónleikarnir voru sæmilegir. Ég kannaðist ekkert við nýja teknó efnið þeirra og fannst það gamla orðið þreytt. En staðurinn er sá flottaasti sem ég hef bara nokkrun tímann komið inná. Ég hélt að Lille Vega væri minni útgáfa af Stor Vega, sem er í raun bara einn stór tónleikasalur, en Lille Vega er í raun á fjórum hæðum með óteljandi börum og góðri tónlist.

Svo var alveg krökkt af Íslendingum meðal áhorfenda. Það var reyndar mjög einfalt að vinsa þá útúr hópnum. Það voru alltaf þeir sem tróðu sér framfyrir mann og byrjuðu að dansa upp við nefið á manni.

Á laugardaginn var svo kíkt í Stínu, þar sem Pétur Ben var með aðra tónleika sína þar með stuttu millibili. Þá hafði hann verið aðalnúmerið, en í gærkvöldi voru það færeysk þungarokksbönd sem flestir voru komnir til að sjá, og var Pétur samlokaður á milli tveggja slíkra (Týs og e-s annars). Það var því ómögulegt fyrir hann að ná upp sömu stemmingu og hann gerði svo ógleymanlega í Loppen fyrir nokkrum mánuðum. Lætin og skvaldrið var svo yfirþyrmandi, sem var n.b. ekki aðeins Færeyingunum að kenna, að Pétur þurfti að þenja raddböndin og spila á allt annan hátt en hann er vanur. Fyrir vikið einkenndust tónleikarnir af gremju og pirringi af hans hálfu, sem hann lét svo óspart í ljós.

Lofsöngur?

2007-06-02T20:17:00.000+02:00

Við lentum í smá umræðu á barnum í gær, um þjóðsönginn okkar og hvort hann sé vel til fallinn til að spila fyrir íþróttaviðburði. Hann er að sjálfsögðu mjög fallegur söngur en aftur á móti mjög erfiður að syngja, sem veldur því að engin stemmingin myndast á meðan hann er spilaður. Og svo er það textinn. Hann er sennilega einn sá mest niðurdrepandi sem hægt er að finna. “Eitt eilífðar smáblóm með tindrandi tár, sem tilbiður Guð sinn og deyr”. Það er svolítið erfitt að vera bjartsýnn og fullur af baráttuanda eftir svona texta. Maður fær bara á tilfinninguna að við séum skjálfandi af lotningu, og eigum að vera þakklát bara fyrir að fá að vera til! Hvernig væri að bara breyta þjóðsönginum í lagið “Ísland er land þitt”? Það er kraftmikið lag, þar sem heldur betur er ýtt undir þjóðarstoltið og er með texta sem flestir kunna nú þegar.

En annars var ég að horfa á leikinn Ísland-Lichtenstein á einni danskri sjónvarpsstöð! Það var mjög skemmtilegt og athyglisvert að heyra hlutlausa lýsingu Dananna á leiknum. Hún var umbúðalaus og án þessarar fegrunnar sem oft er ríkjandi á hjá íslenskum lýsendum. T.d. í stað þess að heyra að “XXXX hafi verið óheppinn að komast ekki í gegn”, þá heyrði maður að þetta hafi verið “lélegt af leikmanninum að...”. Enda var þetta mjög lélegur leikur af Íslands hálfu og Lichtestein átti jafnteflið fyllilega skilið, í raun hefði sigur þeirra verið sanngjörn úrslit.

Tvífarar vikunnar...

2007-05-30T18:30:00.001+02:00

...eru að þessu sinni leikarinn Michael Berryman og Eggert Magnússon Hamrari.

Mike Berryman, hefur leikið í nokkrum hryllingsmyndunum og gæðamyndinni One flew over the cuckoo´s nest. Hann er með nokkuð sérstakt höfuðlag, sem og Eggert Magnússon, sem er oft kallaður the Eggman af bresku pressunni.

Í gestahorninu er það aftur hann Geir sem kom með tillögu, en .það var leikarinn Ben Stiller og fótboltaknappinn Craig Bellamy.

Það vill reyndar svo skemmtilega til að Bellamy, var fyrsti tvífarinn sem ég hafði sent til fótbolta.net sem þeir birtu. Ég hafði parað hann við Evert Víglundason Bootcampara(ansi öflugt nafn!), sem var leiðsögumaðurinn í skíðaferðalaginu okkar til Madonna di Campiglio hérna um árið.

Campell

Evert lengst til hægri

e.s. reyndar höfðu báðir þessir tvífarar verið birtir á fótbolta.net, en þaðp var vegna þess að ég hafði sent þá inn, og tel því að ég hafi réttinn á að birta þá aftur :)

Dómaraskandall!!

2007-05-25T15:52:00.000+02:00

Já, nú veit ég nákvæmlega hvernig kollega mínum, honum Scorsese leið, þegar hann var svikinn um Óskarinn árið 2002, þegar Chicago hirti styttuna fyrir bestu myndina. En það er kannski ekki hægt að vera súr yfir því lengi. Myndirnar sem röðuðu sér í efstu sætin voru afar fagmennlega unnar og að því leytinu betri, en sögulega séð fannst mér mín bera af ;)
En það er nóg eftir fyrir mig að dúlla mér við. Ég á eftir að koma myndinni á DVD disk og gera e-ð sniðugt við þá alla, og svo er nú stefnan að halda smá síðbúna frumsýningu á myndinni í Köben og á Klakanum, með vinum og vandamönnum. Svo það er nú e-ð til að hlakka til...

Premiere

2007-05-24T18:47:00.000+02:00

Jæja, þá er frumsýningin að baki. Myndin var sýnd í gærkvöldi við góðan fögnuð áhorfenda. Ég var reyndar með ágætis herdeild með mér í eftirdragi, en tel nú samt að e-r fleiri hafi nú klappað hressilega. Svo var nú svolítið gaman þegar tveir ungir drengir löggubðu framhjá mér í salnum og sögðu "djöfull var Hrekkjalómurinn ótrúlega góð, hún á örugglega eftir að vinna" Ég veit nú ekki með að vinna, en þetta voru svo sannarlega næg verðlaun fyrir mig, sniff...sniff.
Reyndar gætti smá misskilnings i bæklinginum um stuttmynhátíðina, þar sem myndin Hrekkjalómuriunn var sögð vera eftir Gunnar Pál HREINSSON, en eins og alþjóð veit, að þá heiti ég Gunnar Páll LEIFSSON. Ég hef verið að reyna skapa mér nafn í kvikmyndaheiminum, en þetta er nú kannski ekki alveg það sem ég var að stefna að.
Svo er lokakvöldið í kvöld, og verður spennandi að sjá hvernig fer...

Jet-settari

2007-05-22T08:39:00.000+02:00

Ég hef líklegast sjaldan talin tilheyra þotuliðinu (sem eiga sem sagt að fljúga á milli partýa og og drekka kampavín í fínum veislum), en ef e-n tímann hefur þótt ástæða til, þá held ég að það sé nú. Ég mun svo vera með enska þýðingu á dagskránni minni, svo fólk átti sig betur á mikilvægi hennar og geti metið hvort ég passi inní jet-settið.

Á morgun mun ég nefninlega fljúga til Íslands og labba á rauða dreglinum við opnun stuttmyndahátíðinnar og sjá myndina mína á stóra tjaldinu (They are showing my new film at some film festival). Svo mun ég mæta í tvær útskriftarveislur (gotta be present in a couple of cocktail parties), fara í atvinnuviðtal (gotta fly to Iceland about a job), og svo skoða íbúðir (heard about some good property opportunities in Iceland, gonna chek it out).

sjáumst bráðum (ef ég hef ekkert merkilegra að gera)
gun

Heimferð

2007-05-17T17:05:00.000+02:00

Þá erum við búin að kaupa flugmiða heim. Við komum heim þann 31 júlí kl 22:50
Sjáumst

tvífarar vikunnar

2007-05-16T23:38:00.000+02:00

Tvífarar dagsins eru Gary Durdan úr CSI og Kieran Richardsson úr ManU. Þeir eiga fleira sameiginlegt, því ég las e-s staðar að þeir þjást báðir af PTSD úr barnæsku. Barnapíur þeirra beggja voru ansi latar og nenntu ekki að passa þá, og sleiktu bara varirnar á þeim og klesstum þeim upvið gluggann, þar sme þeir máttu hanga tímunum saman.

Seinni tvífarar dagsins eru Norsarinn Jon Arne Riise úr Liverpool og leikarinn sterklegi Brian Thompson. Sá síðarnefndi kom sterklega til greina í hlutverk Conan í endurgerð þeirrar myndar, og efast ég ekki um að Jon gæti skilað því hlutverki vel sömuleiðis.

2007-05-15T21:59:00.000+02:00

Já ég veit ekki alveg hvað ég á að segja, það er nú þannig að við Gunnar vorum í Kongens Have um daginn og við sátum og spjölluðum við nokkrar ungar stúlkur og þær voru sona líka svakalega hrifnar af Gunna og hlógu að öllum hans bröndurum og reyndu allar að horfa í augun á honum samtímis þær voru allavegana svona 5 sko. Hvað á ég að gera, og ein þeirra sagði meira að segja við mig að hún vildi óska að hún væri ég því þá væri Gunni kærastinn hennar þúst kommon getur maður alveg leyft sér þetta. ..........En ég hló bara að þessu öllu saman þetta var nebbla annan daginn hans Gunna í vinnunni og þetta voru stelpurnar á deildinni sem eru 4 og 5 ára gamlar. Nú var Gunni að segja mér að ein þeirra sagði við hann að hana langaði að giftast honum, já já nýta sér daginn sem ég er ekki í vinnunni lúmsk he he.
Að ödrum fréttum þá var Tinna litla stóra systir í heimsókn um helgina og við fórum til Malmö að shoppa og í Fields þar sem við hittum Fredrik og Margrethe jú jú það er rétt prinsinn og drottninguna. Svo fórum við að skoða Carlsberg verksmiðjuna þar var sko nóg að skoða

Svo kíktum við í Dýragarðinn og hittum þennan félaga

mæli (ekki?) með meðmælum frá Kristine

2007-05-14T19:36:00.000+02:00

Það er nú alveg meira hvað Danirnir geta miklað suma hluti fyrir sér. Ég var til dæmis, var að biðja leiðbeinanda minn með lokaverkefnið um að gefa mér meðmæli, sem ég þarf að nota þegar ég sæki um vinnu heima á Íslandi. Vika líður og ég fæ ekkert svar við tölvupóstinum með beiðni minni. Ég sendi henni SMS um að hún eigi póst og bið hana að kíkja á það. Ég fæ svarið daginn eftir. Hún hefur ekki tíma til að skrifa meðmæli fyrir mig! Vá, það er svo stórt verkefni að skrifa nokkrar línur. Heyrðu, þá segir hún að hún gæti gert það þannig að ég skrifi bara meðmælin sjálfur og svo kvitti hún bara undir... Aldrei hef ég heyrt um annað eins...:) Ég var nú bara frekar móðgaður og svaraði henni því bara að hún gætri troðið þessu þangað þar sem sólin skíni ekki, fyrst hún gæti ekki skrifað nokkrar línur fyrir mig. Ég var hvort sem kominn með tvo meðmæli fyrir.

Ég fékk reyndar svo smá bakþanka skömmu seinna. Ekki það að ég hafi verið með e-t samviskubit um að hafa verið dónalegur við hana, heldur frekar að hafa ekki gripið tækifærið og skrifað góða umsögn þessa þvílíku góðu persónu sem ég er og tíundað alla mína frábæru kosti...

Þá er Hrekkjalómurinn kominn í loftið...

2007-05-13T16:52:00.000+02:00

...og er líklegast í þessum skrifuðu orðum að lenda á Leifs Eiríksstöð. Það var hún Tinna sem sá um að ferja varninginn til landsins og koma honum til skila á félaga minn, sem ætlar að reka smiðshöggið á verkið með því að litgreina myndina (þ.e. að samræma litina í myndinni). Svo verður henni skilað á morgunn eða hinn (fékk altså skilafrest) og svo er það bara forsýning þann 23. eða 24. maí, í Tjarnabíói. Ég vil hvetja alla lesendur að mæta og sjá verkið og mun ég að sjálfsögðu láta vita nánar hvenær myndin verður sýnd. Það er reyndar úrslitaleikur í e-i svokallaðri Meistaradeild í fótbolta, en hver nennir að horfa á það? E-ð Liverpool lið og svo annað frá Ítalíu...miklu skemmtilegra að fara í bíó ;)
En annars munu þeir sem ekki mæta, án efa fá að sjá stykkið, þvi ég mun óspart nota tækifærið til að sýna barnið mitt. Svo er nú aldrei að vita nema við höldum gott frumsýningapartý bæði hér í Danmörku og heima við, þegar við verðum flutt þangað í lok sumars. Maður verður nú að sýna myndina, það er nú stór hluti af þessu.
Annars er ég mjög ánægður með myndina, klippinguna og hljóðið, þrátt fyrir að útlitið hafi verið frekar dökkt til að byrja með. Ég ætla því að leyfa mér að vera ánægður með sjálfan mig og njóta þess að vera loks búinn með þetta verk, sem hófst fyrir mörgum árum þegar ég hripaði þessa smásögu niður á blað og þessu afdrifaríka kvöldi.

Eiki bleiki...

2007-05-12T09:38:00.000+02:00

...var tekinn í bakaríið á fimmtudaginn var, sem og öll vestrænu löndin sem sendu lög inní Evróvisjón. Línurnar um stigagjöfina eru orðnar skýrar, eins og allir ættu að vita núna. í fyrstu undankeppninni héldum við að þetta væri kjóllinn hennar Selmu, sem hefði kostað okkur sætið í keppninni!! How little did we know. Viðhorfi Silvíu Nóttar var svo kennt um ófarir keppninnar í fyrra, en núna er það ljóst að það hefði ekki breytt neinu þó hún hefði verið sykursæt og brosandi allan hringinn, sömu tölur hefðu komið uppúr kjörkassanum. Og nú þetta... Ég meina Búlgaría!!! Heyrðuði og sáuði þetta lag (fyrsta lagið)! Guð minn góður. Og svo þegar Slóvenía komst áfram með þetta pyntingartól sem þeir kalla söng (óperulagið), tók nú botninn alveg úr tunninni. Ég mun varla nenna horfa á næstu undankeppni ef sama fyrirkomulag verður á, en það kannski breytir ekki neinu hvað nokkrir Íslendingar, Norðmenn og Danir segja, þegar öll austur Evrópa fylgist nú með keppnini sem aldrei fyrr...

Tvífarar vikunnar

2007-05-08T21:12:00.000+02:00

Yes, þá er loksins komið aftur að liðnum tvífarar vikunnar og er af nógu af taka. Ég kem sjálfur með tvo, og í lokin er það gestahornið sívinsæla. En þar koma myndir af einstaklingum sem gestir hafa stungið uppá sem tvífara, og í þetta skiptið er það hann Geir sem ríður á vaðið.

Við byrjum á Scott Wold (hefur leikið í myndinni Go og mörgum öðrum myndum og sjónvarpsþáttum) og fótboltamanninum Saviola (varavaraskeifu Barcelona (hann er sko enginn varamaður eins og Eiður okkar, hnuss nei)).

Næstu tvífarar eru leikarinn og sjónvarpsmaðurinn þjóðkunni Felix Bergsson og Fh-ingurinn og markaskorarinn Tryggvi Guðmundsson

Í gestahorninu var það svo Geir sem paraði saman Dida, markmann AC Milan og söngkonuna Skin, úr Skunk ´n Nansie. Það leynir sér ekki að það er töluverður svipur. Skunk sýnist mér þó taka aðeins stærra uppí sig...

ef fleiri vilja ríða á vaðið, þá er bara endilega að koma með uppástungur hérna fyrir neðan.

dagbók klipparans

2007-05-07T15:36:00.001+02:00

Hann var mjög góður dagurinn í gær við vinnslu á stuttmyndinni. Ég setti mig í hlutverk fólsins (Foley artist) og var að búa til hljóð fyrir myndina, sem vantaði á upptökunum, (t.d. lyklahljóð, fótatak). Ég og Ragnheiður tókum meira að segja upp samtal fyrir eina senu, sem ég neyðist til að setja yfir samtalið í myndinni, eða réttara sagt, þar sem samtalið ætti að vera (ekkert hljóð fylgdi upptökunni á senunni). Svo er bara spurning hvort þið getið fundið hana? Það ætti reyndar ekki að vera svo erfitt, því miður...
Ég er svo búinn að vera í hálfgerðum vandræðum með að finna e-ð svona óþægilegt og spennandi hljóð til að setja á vissa staði í myndinni. Það var svo fyrir algera slysni að ég rakst á góða leið til þess. Sum ykkar kannist kannski við hljóðið sem myndast þegar míkrófónn kemur of nálægt hátalara? En það er einmitt það sama og gerist þegar vídeótökuvélin (sem er með innbyggðan míkrófón) kemur of nálægt tölvunni og hátölum hennar. Nú er svo bara að fara experimenta með það...
Að lokum hitti ég þá Bjarna og Davíð Hedtoft, tvíburana með Take 2, og átti gott og langt spjall með þeim. Alveg ótrúlegt hvað það getur gefið manni mikið að tala við e-n sem þekkir til á þessum sviðum og getur komið með uppbyggilega gagnrýni á myndina. Eftir heimsókn þeirra er ég t.d. búinn að vera "killing my darlings", þ.e.a.s. að stytta myndina, og það töluvert, eða um heilar 4 mínútur.
Nú er farið að styttast allsvakalega í skilafrestinn á myndinni sem er 11. maí!! En eftir þessi skrif, ætla ég einmitt að hringja í forsvarsmenn nefndarinnar og sjá hvort ég geti sótt um smá frest...

Letihelgi

2007-05-06T20:23:00.000+02:00

Þetta er búin að vera alger letihelgi hjá mér. Ekki hjá Gunna samt hann er búin að vera að vinna á fullu í myndinni sinni. Ég á hinn bóginn er bara búin að chilla. Það var frí hjá flestöllum hérna í Danmörku á föstudaginn því það var store Bededag eða stóri bænadagur. Það var þannig að fyrir einhverjum hundruðum árum síðan voru fullt af bænadögum en kóngurinn í DK var svo þreyttur á öllum þessum frídögum að hann gerði einn stóran bænadag og hann hefur haldist og það sem meira er þá halda sumir danir að þetta sé stóri brauðdagur því að í gamla daga þá voru bakaríin lokuð á þessum stóra bænadegi og því bökuðu þeir ekstra stór brauð á fimmtudeginum sem enn er hefð fyrir að kaupa. En annars er ég bara búin að njóta góða veðursins og búin að skella mér á línuskauta á amager strand þar sem nokkrir voru komnir í sjóböð ég held að ég bíði nú aðeins með þau.
ta ta

New look

2007-05-02T20:09:00.000+02:00

Sælt veri fólkið vildi bara láta ykkur vita að ég er komin með ljóst hár svo ykkur bregdi ekki þegar þið sjáið mig. he he kv Ragnheidur

Tvífarar vikunnar

2007-05-02T16:59:00.000+02:00

Það er komið að nýjum lið hérna á þessari síðu sem heitir tvífarar vikunnar, þar sem annar aðilinn mun koma úr röðum fótboltamanna og hinn...bara já, e-s staðar annars staðar frá. Eldri liðir eins og "hver á hvaða hægðir?" og "hvert er lagið?" (þar sem ég klappa stappa nipur fótunum í takt við e-ð ákveðið lag og þið eigið að geta (mjög skemmtilegur leikur (samt enn betri í eigin persónu))), eru búnir að renna sitt skeið.

Ég vill þó enn frekar þakka Fótbolti.net að vera svo duglegir að birta ekki nema brot af öllum þeim tvíförum sem ég hef sent, sem leiðir til þess að ég hef ákveðið að byrja með þennan lið á minni eigin spýtu.

Til að koma þessu af stað ætla ég að birta tvö pör af tvíförum.

Það fyrsta er:

Xabi Alonso (Liverpool leikmaður) og Doug Savant (leikari í Desperate Housewifes og Melrose Place (ekki það að ég horfi á það...;)

Hvað segiði um þessa? Er átæða fyrir að fótbolti.net er ekki búinn að birta þessa?

Ok, en hvað með þessa tvo snáða hérna: Deco (leikmaður Barcelona og Portúgald) og Haley Joel Osmond (þ.e. þegar hann var enn lítill og dætur, nú er hann nær óþekkjanlegur villingur í Hollywood)

Það er reyndar oft voða erfitt að finna góðar myndir af fótboltamönnum því í flestum liðsmyndum eru þeir grafalvarlegir, svo þessar brosmyndir úr Hollywood virðast stundum ekki eiga mikið sameiginlegt.

Í sól og sumaryl.

2007-04-30T20:12:00.000+02:00

Það þýðir ekki annað en að blogga aðeins um veðrið hérna í Danmörku því það er búið að vera svo yndislegt undanfarið. Í síðustu viku fór hitinn uppí 25 gráður, þannig að við Gunni ákváðum að bjóða Óla og Louise í grill á Laugardeginum og ákváðum að hafa það kl 5 svo að við myndum ná að sitja útí sólinni og borða matinn. en nei nei þá ákváðu veðurguðirnir að skella nokkrum skýjum á himininn og vinda aðeins úr þeim já það byrjaði bara að rigna á grillkveldinu mikla en við áttum sem betur fer grillpönnu þannig að við elduðum bara inni og höfðum það mjög næs, spiluðum kanöstu og kíktum svo á loundromat og drukkum eins og einn öl. Annars var hún Tinna litla systir mín að segja mér þær skemmtilegu fréttir að hún er búin að fá vinnu sem aupair í san francisco frá 16 júní til desember ekki slæmt það og ég óska henni til hamingju með það.

Hrekkjalómurinn á leið til Íslands

2007-04-30T12:59:00.000+02:00

En hvað Iceland Express komu með tilboðið sitt til Íslands, á góðum tíma. Nú get ég skotist í heimsókn á Klakann og séð stuttmyndina mína á stóra tjaldinu. Það verður spennandi að sjá hvernig hún kemur út þar. Reyndar veit ég ekki hvort ég geti nokkuð verið í salnum þegar hún er sýnd. Bara það að horfa á sjálfan mig leika á stóru tjaldi fyrir framan fullt af áhorfendum gæti reynst mér ofviða. En svo er nú ekkert víst að það verði mikið af áhorfendum á sýningunni. Ég man nefninlega þegar ég skilaði mynd inná þessa hátíð seinast þegar hún var haldin, fyrir fimm árum síðan, að þá voru aðeins tveir áhorfendur: ég og dómarinn. Reyndar fækkaði um einn í salnum, því dómarinn fékk nóg og ákvað að yfirgefa salinn! Vegna þessa er ég ekki enn búinn að taka Hugleik Dagsson í sátt...helv..á honum. Það er víst óþarfi að taka það fram, að myndin hlaut engin verðlaun í það skiptið :)

En bjartsýnin er ríkjandi í þetta skiptið. Mynd þessi er samt gerð af áhugamönnum, og nokkuð öruggt að það verða myndir eftir fagmenn á þessari hátíð. Ég ætla samt sem áður að vona það besta, myndin er það góð...að mínu mati :)

Annars er hún öll að koma til. Fyrsta klipp af henni er tilbúið og næst er það eftirvinnslan á hljóðinu og myndgæðunum. Ég er því miður ekki sérstaklega lunkinn við þá gerð, en veit sem betur fer um nokkra aðila hér á landi sem gætu veitt mér hjálparhönd. Eru e-r fleiri þarna úti sem gætu gert slíkt hið sama...? Allir aðstoðarmenn fá að sjálfsögðu nafnið sitt á "credit" listann í lok myndar ;)

2007-04-22T20:57:00.000+02:00

Þá er enn ein helgin búin og þessa helgina var Hjördís í Köben með leikskólanum sem hún vinnur á. Það var gaman að hitta hana kíkti með henni og vinnufélögunum á djammið fórum á diskótek, fyrsta skipti sem ég geri það hérna úti svaka stórt og flott. Svo fór ég á laugardeginum með henni á Strikið, aðalega var HM tekið með trompi, við skulum segja að það hafi verið lítið eftir á hillunum þegar við yfirgáfum svæðið hehe.
Annars er Gunni að fara að vinna uppá leikskóla með mér næstu 2 mánuði, hann er að fara að vera stuðningsfulltrúi fyrir einhverfan strák. Það verður skrítið að vera sona að vinna saman en örrugglega bara gaman og að tala dönsku saman hehe þýðir ekkert að fara að spjalla saman á íslensku í vinnunni.
Svo er hún litla systir mín Tinna að koma í byrjun maí. Þá ætlum við að kíkja til Malmö og jafnvel á Louisiana safnið og aldrei að vita nema við komum við á Strikinu. Annars erum við sona eila búin að negla niður dagsetningu fyrir heimför. Ekki búin að kaupa flugmida sem við verðum held ég að fara bara að drífa í. Við komum heim í kringum 1. ágúst. Erum allavegana búin að segja upp íbúðinni og verðum að vera farin út 31 júlí. Þá er það bara klakinn sem tekur við. Það verður erfitt að segja bless við góða veðrið hérna úti og allt það, en á móti koma allir góðu kostirnir við Ísland. Fjölskylda og vinir. Ég þarf reyndar að fara út 2 til 3 til að fara í próf og verja lokaritgerðina gúlp gúlp.
Nóg í bili Ragnheidur

Sól, sól, burt með þig...

2007-04-19T13:11:00.000+02:00

Loksins kom smá rigning og kuldi. Nú get ég dundað mér við að klippa stuttmyndina mína inni í lokuðu herbergi, án þess að Íslendingurinn komi upp i manni og segji manni að fara út og njóta góða veðursins. Sú vinna gengur bara ágætlega, eftir nokkra byrjunarörðugleika, þar sem ég var orðinn ansi ryðgaður í þessari vinnslu. þrjár og hálf mínúta er komin af alveg prýðisklipptu efni. En það er þó margföld sú vinna eftir. Alveg get ég tapað mér í þessu, enda hin besta skemmtun og góð losun á skapandi kröftum, sem hafa alltof lengi fengið að liggja í dvala. Stefnan er svo sett á að skila myndinni inná Stuttmyndadagar Reykjavíkur, sem er sú stærsta held ég sinnar tegundar heima, fyrir áhugamenn jafnt sem og atvinnumenn. Skilafrestur er 12. maí, svo nú er um að gera að láta hendur standa fram úr ermum og vona að veðrið haldist vont :)

Það er þó aukin pressa á að skila myndinni í tíma, búin að gera vart við sig, þar sem gott atvinnutækifæri var að koma uppá yfirborðið. Ragnheiði hefur greinilega leiðst þetta hangs í mér og ákveðið að grípa í taumana, því hún kom með þær gleðifregnir í gær, að það vantar stuðningspædagóg á leikskólanum hennar frá 1. maí. Voru hún og leikskólastjórinn alveg á því að ég væri rétti maðurinn í verkið og var ég því alveg hjartanlega sammála. Sér í lagi þó þar sem ég fæ námið mitt metið sem pædagog, og fæ því samsvarandi laun. Ég er því aftur á leið í leikskólann, aftur, þar sem þetta mun vera annað starf mitt á leikskóla á seinustu mánuðum.

Í sól og sumaryl

2007-04-16T22:29:00.000+02:00

Sælt veri fólkið, já, spurst hefur út að ég sé útdauð í þessum bloggheimi, en ég reyni að krafsa í bakkann enn. Allt gott að frétta það er búið að vera þvílíkt gott veður hérna seinustu daga með toppdegi í dag 23 gráður, ég get ekki sagt að ég geti kvartað. Tengdó komu í heimsókn um helgina eða frá miðvikudegi til sunnudags. Það var nú ýmislegt brallað, kíkt í Fields og á Strikið þar sem Margrét gerði ofurgóð kaup á 2 leðurjökkum. Það var borðaður góður matur og hygget. Skoðuðum Óperuna, Svarta demantinn og íslenska sendiráðið.

Inní einhverju svaka listaverki eftir færeyskan listamann

Óperan

Í sjóstrætó

Eg ætla að reyna að vera aðeins duglegri að blogga vona að ég standi við það. Ragnheidur

Þeir eru nú meiri grallararnir...

2007-04-16T16:34:00.000+02:00

...krakkarnir frá Ungdomshusinu, hehe.

Voru semsagt búin að líma götunafnið Jagtvej 69 (sem er sama gata og Ungdomshuset stóð við) á flestöll götuskilti í miðborg Köben og víðar. Ekki gaman að vera nýbyrjaður að vinna sem póstberi með þetta hverfi, segi ég bara...

páskar

2007-04-10T09:53:00.000+02:00

Þá eru hinir mjög svo ánægjulegir páskar liðnir, sem samanstóðu aðallega af rólegheitum heimafyrir með blandi af matarboðum og póker.

Á föstudaginn langa hittumst við nokkrir boltastrákar og tókum í spil. Merkilegt nokk var það aftur ég og Gussi sem enduðum með að fara í einvígi fram á nótt. Heppnin var þó ekki með mér í þetta skiptið. Það var hefðbundin bjórdrykkja með spilinu, en á e-n tímapunkti breyttist það nú, því allt í einu var Absinth flaska komin á borðið. Við smökkuðum reyndar bara á því, en þess má geta að það er töluverður ævintýrablær yfir þessu rótsterka (60%) áfengi. Sögur herma að í “alvöru” flösku af Absinth (sem er illfáanleg), þá fljóta litlar agnir af meskalíni með, sem verða til að fólk verður alveg útúr heiminum og fer að sjá litla græna álfa hér og þar. Engar frásagnir eru þó af slíkum furðuverðum eru frá kvöldi þessu (því miður :), enda bara venjuleg flaska sem við höfðum undir höndum.

Páskadagurinn var samt einna bestur. Þá fórum við í páskefrokost heim til Óla og Louise, þar sem setið var að snæðingi í fjóra tíma, og skálað samviskusamlega fyrir páskunum með köldum snafsi og páskaöli. Þar var mikið hlegið og spjallað, og komst ég meðal annars að því, að ég var sá eini við borðið sem mundi eftir því úr barnæsku að eiga botninn af páskaegginu mínu, inni í ísskáp á þriðja degi páska, þakið tannförum. Flestum hlakkaði til að komast í botninn, en ég átti hins vegar erfiðara með að klára hann. Ég mundi því líklegast komast ansi nærri ímyndinni af því sem Joey í Friends óttast mest, þ.e.a.s. maður sem borðar hálft snikkers, og geymir svo afganginn þar til seinna :). Ég er bara svo mikill leifari í mér, enda Leifsson.

Við fórum reyndar töluvert fyrr heim en aðrir, því við áttum einnig von á frændfólki mínu frá Íslandi seinna um kvöldið. Þar var um heldur hefðbundara íslenskt boð að ræða, en lambasteikin, a la Gun, með kartöflum og sósu var þar í boði. Maður var því ansi mettur að deginum liðnum.

Sem sagt, fínni páski liðinn. Hann er samt ekki jafn eftirminnilegur og hjá honum Ragga félaga mínum. Held ég skelli bara link inná síðuna hans, því þetta er alveg þess virði að lesa í heild sinni.

loksins

2007-04-06T13:54:00.000+02:00

Núna sit ég hérna heima og er loksins byrjaður aftur á verki sem hófst fyrir tæpum tveimur árum. Það er að segja, stuttmyndin sem ég tók upp sumarið 2005 er loksins komin á klippiborðið. Það eru ansi margar ástæður fyrir að ég hef ekki byrjað á henni fyrr en nú: vöntun á tölvu til að klippa han, nóg að gera í skólanum, praktíkinni, og kandídatsritgerðinni, sem ég veit að hefði tekið enn lengri tíma en ella. Aðallega er það samt mín eilífa frestunnarárátta. Ég á nefninlega mjög erfitt að byrja á svona verkefni sem ég veit að getur verið mjög erfitt, þrátt fyrir að mér þykir það mjög skemmtilegt.

Kannski ástæðan fyrir því að ég veit að þetta á eftir að vera erfitt, er sú að ég lék aðalhlutverkið í myndinni, og þarf því að horfa uppá ansi lélegan leik hjá mér :) Hálf vandræðalegt á tíðum. Leikurinn verður nefninlega enn verri við hliðiná samleikurum mínum, sem flestir eru nemendur við Leiklistaskóla Íslands, eða útskrifaðir leikarar. Svo er plús allt það sem fór úrskeiðis við tökurnar: hljóðið oft á tíðum lélegt (eða bara alveg fjarverandi!), lýsingin svo lítil að maður þarf að píra augun til að sjá e-ð. Það er því ansi erfitt að horfa upp á meistarverkið sitt verða verra og verra eftir því sem maður sér meira af því. En ég mun vonandi ná að lappa aðeins upp á verstu hlutana með góðri klippingu.

En sem sagt, svo að ég geti klippt myndina, er nú búið að bætast í tölvufjölskylduna. Enda er ekkert heimili til nú til dags, nema þar séu a.m.k. þrjár tölvur. Ég keypti eina notaða Dell á den blå avis á 2.500, fann svo skjá á 200, og svo tölvuleikinn Battlefield 2 á 80 :) Bara það að kaupa einnig tölvuleikinn mun borga upp tölvuna á no time, því þá fer ég ekki á netkaffihús að spila hann. Kannski verst að ég var ekki búinn að kaupa hann fyrr, og spara mér þannig enn meiri pening! Ég bara átti aldrei von á því að hann væri eins vanabindandi og raun bar vitni.

Nú sit ég hér og skrifa meðan myndefnið er að færast frá vídeóupptökuvélinni yfir á tölvuna, og fann smá hungur læðast yfir mig. “Djö….” hugsaði ég, þar sem ekkert er til til að narta í, og allar verslanir lokaðar þar sem það er föstudagurinn langi. Eða hvað? Hvað með alla múslimana? Þeir halda ekki upp á páskana. Ég kíkti því aðeins útúr húsi í fyrsta skipti í tvo daga, og sá mér til mikillar undrunnar að það iðaði bara allt að lífi. Allar sjoppur, pizzastaðir, bakarí og meira að segja blómasalinn höfðu opið. Og það eru sko ekki bara múslimar eða útlendingar sem reka þessar verlsarnir. Og svo er hægt að skella sér á tónleika í kvöld með Mika fyrir áhugasama. Það er því ekki mikil hætta á að manni leiðist eða brenni inni vídeólaus yfir páskana…

páskahret

2007-04-06T13:27:00.000+02:00

Það má lítið út af bregða í klæðnaði þegar farið er út úr húsi um þetta leyti í Danmörku. Það voru nefninlega örugglega 18 gráður um seinustu helgi, og ég var að deyja út hita á skyrtunni einni saman. Páskahretið lét síðan á sér kræla, þ.e.a.s. loftið kólnaði mikið, en sólin hélt áfram að skína. Sólin villir um fyrir manni, og fyrir vikið fer maður eilítið léttklæddari útúr húsi fyrir vikið. Það er líklega ástæðan fyrir því að ég hef eytt fyrri hluta páskanna innandyra með hálsbólgu og beinverki. Alltaf fell ég í þessa gildru...ætla greinilega seint að læra.

og sigurvegarinn er...

2007-03-31T10:11:00.000+02:00

Jújú, það var Tinna sem var ekki lengi að svara þessari spurningu rétt, þetta var nebbinn á mér. Myndín hér að neðan útskýrir væntanlega hvernig þessi sérstaka mynd varð til. Að launum hlýtur hún 50% afslátt af gistingu á Prags Boulevard! Hún er að vonum ánægð með þetta stelpan, því hún á einmitt leið hér um Köben bráðlega og gæti því eimitt nýtt sér þetta tilboð þá!

spurning vikunnar...

2007-03-29T23:30:00.000+02:00

Samkvæmt frétt mbl.is "Bloggið gæti spillt fyrir", þá hafa fyrirtæki tekið upp á því að skoða blogg atvinnuumsækjanda, sem getur komið sér illa fyrir umsækjandann, sér í lagi ef "bloggið kemur upp um gamlar syndir og heimskupör".

Einhvern veginn efast ég um að þessi bloggfærsla eigi eftir að hjálpa til að ég fái starf sem sálfræðingur, en ég læt það mig engu skipta:)

Þess vegna spyr ég: Af hvaða líkamshluta af Gunna er myndin af?

Cambridge

2007-03-28T16:18:00.000+02:00

Þá erum við komin aftur frá Cambridge eftir að hafa verið í góðu yfirlæti hjá Birni og Regínu, og harður raunveruleikinn tekinn við. En dvölin í Englandi var hreint út sagt frábær, með góðu afslappelsi í bland við túrisma og skemmtanahöld.

Á föstudaginn heimsóttum við London og röltum um helstu staðina s.s. Covent Garden, Leicester square ofl., og könnuðum helstu búðir og bari þar í nágreni. Þar fengum við úthlutað þessum skemmtilegum grímum sem eru gerðu alveg hreint ágæta hluti. Þær eru til dæmis alveg tilvaldar þegar segja á alvarlega eða erfiða hluti við e-n, því sá mun fljótt gleyma þeim og brosa út að eyrum. Mun ég því nota þessa aðferð óspart, þegar ég mun byrja starfa sem sálfræðingur í vonandi náinni framtíð.

Í London sá maður líka muninn á stórborg og stórborg. Fólksfjöldinn og hraðinn þar er gerólíkur Köben. Umferðin þar er t.d. mun hraðskreiðari þar, og t.a.m. bíður fólk þar ekki eftir grænu gönguljósi, líkt og við erum búin að venja okkur á í Köben. Það reyndist nefninlega ansi erfitt að venja sig af þeim vana, en það hafðist þó að lokum!

Á laugardaginn kíktum við í miðbæ Cambridge og skoðuðum skólann hans Björns, sem var ansi þéttbyggður og huggulegur á að líta. Það var samt frekar kalt í veðri, og því ílengdumst við ekki í bænum, heldur fórum heim og tókum okkur til fyrir kvöldið. Það var ansi heppilegt hvað þau búa stutt frá bænum, því það kostar álíka mikið fyrir okkur öll að taka strætó og að taka leigubíl, sem var þess vegna óspart notaður.

Um kvöldið fórum við út að borða á asískan stað, og fengum okkur öll sushi, og ég í fyrsta skiptið. Reyndist það mjög góður matur, þó kolkrabbinn hafi reynst ansi seigur og erfiður að kyngja. Eftir það tóku við almenn drykkjulæti og pöbbarölt, þar sem okkur var hent útaf hverjum staðnum á fætur öðrum. Það var þó nota bene ekki vegna óláta í okkur, heldur vegna furðulegra lokunnartíma Breta. Á fyrsta staðnum voru ljósin kveikt 23:45, og við áttum að vera komin út klukkan 24:00. Mjög skondið. Flestir staðirnir virtust loka um svipað leyti, en við fundum þó einn sveittan stað þar sem við gátum drukkið okkar öl í friði, eða til klukkan tvö að mig minnir, sem var síðan alveg nóg.

Við vorum því fær í flestan sjó daginn eftir, sem var líka mjög heppilegt þar sem góða veðrið var komið. Við fengum þó ekki að vita hvað við ætluðum að gera af okkur þann daginn, því mikil leynd hafði ríkt yfir dagskránni. Þegar við vorum þó komin að brúnni yfir ánna Cam (Bridge over the river Cam = Cambridge), varð okkur ljóst hvað skötuhjúin höfðu ætlað sér. Sigling um ánna var planið, með Björn sem “punter”, eða stjakara, þ.e.a.s. Björn Riverman ætlaði að stjaka okkur upp og niður ána, og stóð hann sig með stakri prýði. Ég reyndi sjálfur að stjaka bátnum, en ákvað að falla frá þeirri áætlun mjög snemma, þar sem þetta var erfiðara en þetta leit út fyrir að vera. Að auki ég sá mætavel í hvað stefndi...þ.e.a.s. ég beint í ánna eða í háa sekt vegna of langs tíma. Enda sáum við einn falla útbyrðis, seinna í ferðinni.

Þetta er lífið :)

Björn og Regína höfðu samt farið í þennan túr nokkrum sinnum með reyndum róðara, og gátu því frætt okkur um sögu bæjarins, með smá tónlistarsögu í bland. T.d. hvar Pink Floyd spiluðu fyrst og hvaðan Nick Drake fékk innblástur sinn af laginu Riverman, en þessir tónlistarmenn eru einmitt frá Cambridge. Mjög skemmtilegur túr.

Einnig skoðuðum við allar þessar ótrúlegu gömlu og vel við höldnu höllum, og fræddumst aðeins um hverjir það eru sem búa þar. Haldið ykkur nú fast, því hús þessi eru kollegíin í Cambridge! Þvílíkar hallir og kastalar með risagörðum, allt í tipp topp ástandi. Svona er nú gert við aðal heila Englands til að lokka þá að. Enda eru engir aukvisar sem hafa lært þarna. Þar nægir að nefna sir Isaac Newton, Charles Darwin, Stephen Hawkins (fatlaði gaurinn í hjólastólnum) og að sjálfsögðu þessi sem teiknaði Winnie-the Pooh teiknimyndasögunar.

Það var hins vegar útskrift um laugardaginn hjá stúdentunum, og því gátum við ekki farið þangað inn. Heldur ekki um sunnudaginn, því þá voru allir þunnir eftir útskriftina. Við náðum samt að lauma okkur inn á eitt kollegí sem Regína er að vinna á, og gátum skoðað smá hluta af dýrðinni.

Annars var líka mjög gaman að umgangast Breta annars staðar en í túrista hverfi höfuðborgarinnar (sem oft er ekki gott eintak af dæmigerðum íbúa) og upplifa annaláða kurteisi þeirra, sem er engum orðum ofaukið. Það liggur við að annað hvert orð sem þeir segja við mann hafi e-a slíka merkingu, líkt og “please”, “cheers”, og/eða “pardon”. Einnig skil ég nú mun fleiri brandara og týpur í þáttunum Little Britain, þar sem stólpagrín er gert að talanda þeirra og útliti (enda Bretar ekki myndarlegasta þjóðin).

Læt þetta duga í bili

Cheerio

Fullt af myndum hér

Nú liggja Íslendingar í ´ðí

2007-03-20T08:57:00.001+01:00

Já, það var heldur fámennt á fótboltaæfingu í gækvöldi uppí Valby Idrætspark. Kannski sem betur fer, en ég kem að því eftir smá stund. Við rétt náðum 5 manns sem dugði til að taka reit og nokkrar skotæfingar. Þegar við erum á leið inní búningsklefann okkar, virkuðum við hálf ráðvilltir, því við teljum okkur hafa farið inní rangan klefa, þar sem dótið okkar er ekki sýnilegt neins staðar. Það getur samt ekki passað því klefinn var læstur og við nýbúnir að opna hann með lyklinum okkar. Sjáum við þá ekki að það er búið að sparka upp hurðina að sturtuklefunum, sem tengist við aðra klefa sömnuleiðis. Við höfum verið rændir! Tilfinningin sem ég upllifði var samt ótrúlegt en satt, léttir. Léttir yfir að hafa ákveðið á seinustu stundu að sleppa því að taka Ipodinn minn og glænýja símann minn með á æfingu. Einnig tæmdi ég veskið mitt af 200 pundum áður en ég fór á æfingu. Verst með fötin samt...

Þegar við svipumst hinsvegar um í öðrum klefum, sjáum við dótið okkar þar á tvist og bast, eftir að þjófarnir hafa farið vandlega gegnum það. Ég anda nú bara léttar því þar eru öll fötin og hlaupaskórnir mínir, svo það eina sem þeir höfðu uppúr krafsinu, var veskið mitt með bankakortinu og skilríkjum ásamt lyklunum. Hinn sem lenti í þessu, tapaði reyndar líka símanum sínum. Sem betur fer voru nú ekki fleiri á æfingu en þetta.

Með skilríkin og lyklana, ætti það samt að vera einfalt mál fyrir þjófana að heimsækja okkur hvenær sem er, t.d. þegar við erum í útlöndum eftir tvo daga, og hreinsa íbúðina. Þess vegna sit ég hér í sófanum og bíð eftir að lásasmiðurinn banki á dyrnar. Þjófunum skal sko ekki verða kápan úr því klæðinu, not on my watch baby! Sú heimsókn á reyndar eftir að kosta álíka mikið og ferðin fyrir okkur bæði til Cambrdige, eða 1500 kall.

En þetta var samt alveg ógisslega spennó í gærkvöldi. Við settum fullt af dóti fyrir aftan dyrnar, svo það yrði ekki hægt að komast inn, alveg eins og i bíómynd. Ég átti að sofa á sófanum, til að vera viss um að enginn laumaðist inn, og til öryggis var ég með sverð undir rúminu til að láta hvern þann sem læddist inn finna til stálsins...og svo fékk ég að poppa. Að auki stalst ég svo til að horfa á sjónvarpið til klukkan 2 í nótt, á leik United og Middlesborough, ýkt töff.

Kennir þetta ykkur e-a lexíu? Það verður amk aldrei klikkað á þessu aftur hér á þessum bæ.

suttetræ/ snuddutré

2007-03-16T17:53:00.000+01:00

Já ég rakst á svo sniðugt tré í fælledparken hérna í Kaupmannahöfn. Við vorum í einni af mörgum ferðum okkar í leikskólanum sem ég vinn í og fórum á leikvöll einn í fælledparken sem er held ég stærsti almenningsgarður í Kaupmannahöfn. Allavegana þá er þar tré þakið með snuddum. Það eru sumsé börn búin að gefa trénu snuðið sitt þegar þau hætta að nota það. Sniðugt því það er nú erfitt fyrir mörg börn að gefa upp snuðið að hafa svona hefð fyrir að gefa trénu snuðið. Veit ekki hvort þetta sé til heima á 'Islandi en mjög góð hugmynd.

íbúðarlán

2007-03-15T14:25:00.000+01:00

Djö... Skvt. sérlegum sérfæðingi hérna á heimilinu, voru verðin á íbúðum búin að fara lækkandi seinustu mánuði. En einmitt þá ákveða allir bankarnir að hækka íbúðarlánin sín aftur í 90% og 100%. Þetta þýðir væntanlegra að eftirspurn mun aukast sem og væntanlega húsnæðisverð. Gæti bara vel trúað því að það yrði önnur sprenging í húsnæðisverði. Aftur á móti verður auðveldara að kaupa íbúð og skuldsetja sig uppfyrir enni þegar heim verður komið.

All in!

2007-03-12T13:23:00.000+01:00

Lenti í maraþon póker á laugardagskvöldinu. Við hittumst nokkrir strákar úr boltanum og tókum í spil með öðru auganu og horfðum á Barca-Real með hinu auganu, frekar erfitt. Enda datt ég snemma út í fyrra spilinu og gat notið þessa þvílíka leiks með óskiptri athygli. Í seinna spilinu hins vegar, sem hófst um hálf tólf, var svo annað uppi á teningunum. Þá þraukaði ég þar til það vorum bara ég og einn annar eftir, og klukkan farin að nálgast þrjú. Spilið endaði þó vel, og þrátt fyrir að ég var vinum fátækari og peningi ríkari eftir spilið, þá jafnaðist það aðeins eftir að ég bauð á barinn ;)

Annars er farið að vora allverulega hérna, solen skinner og loftið verður mildara og mildara. Og eins og í sveitinni, þar sem kálfunum er sleppt útúr fjósinu með tilheyrandi sprikli, þá verður álíka jafn mikil gleði og sprikl hjá okkur strákunum í boltanum, þar sem fyrsta útiæfing ársins er í kvöld.

Og í dag eru aðeins 10 dagar í Cambridge!!

Icelandair Open

2007-03-09T09:02:00.000+01:00

Um seinustu helgi má segja að innanhúsfótboltatímabilið endaði með stæl. Fótboltamótið Icelandair Open var haldið uppí Gladsaxe þar sem 9 lið voru skráð til leiks, öll frá Köben fyrir utan tvö frá Íslandi.

Guðrún var með tvö lið, þar sem liðið sem ég spilaði með, komst í undanúrslit eftir frekar léttan riðil. Við lentum þar á móti sekkjunum úr handboltanum, þar sem eitt af inntökuskilyrðinum er að bolurinn nái ekki fyrir neðan nafla. Það er samt greinilegt að bjórdrykkja þeirra meðan á mótinu stóð var ekki til að skemma fyrir þeim, því eins og undarlegt og það hljómar, að þá vann handboltaliðið fótbotaliðið. Við hljótum þá að vinna þá í handbolta, eins og Ingvi mælti svo röklega af vörum. Ingvi var líklegast óheppnasti spilarinn á mótinu, því eftir aðeins 3 mínútur í fyrsta leiknum okkar, náði hann að snúa sig ansi illa á ökklanum.

Eftir að þeir voru komnir úr að ofan, reyndu þeir ólmir að faðma alla þátttakendur innilega. Minnti sú sjón illþyrmilega á atriðið úr myndinni "Along Came Polly" þegar Stiller var að spila körfubolta við gaurinn sem var ber að ofan :)
Annars þurftu handboltakapparnir að flýta sér heim eftir verðlaunaafhendinguna, þar sem þeir höfðu mælt sér mót við nokkra af mótmælendum Ungdomshuset. Mótmælendurnir voru búnir að falast eftir kröftum þeirra til að kasta grjóti og múrsteinum, sem eins og gefur að skilja, ætti að vera nokkuð sem handboltamenn væru góðir í.

Við mætttum því öðru liðinu frá Íslandi í leik um þriðja sætið, sem samanstóð af nokkrum hnökkum sem upprunalega hétu "Vonda Liðið". Þeir báru það nafn með rentu, því þeir voru alklæddir svörtu, og höfðu orð á sér fyrir að spila hart. Seinna breyttu þeir reyndar nafninu sínu í Ice Guys Butterflies, sem var aftur á móti mesta "gay" nafnið á mótinu. Þeir reyndust því engin mótstaða og 3. sætið í höfn. Gummi náði meira að segja að leika listir sínar þegar hann tók við bolta á lofti og skoraði viðstöðulaust með hælsendingu beint í hornið. Það voru fleiri á sammála glæsileika þessa marks, því hann hlaut verðlaun frá Icelandair fyrir tilþrif mótsins, sem var flugferð fram og tilbaka fyrir tvo.

Seinna um kvöldið hittust liðin á o´Learys, þ.e.a.s. þeir sem voru ekki með heimsókn frá tengdaforeldrunum (sem var svona helmingurinn), og skáluðu fyrir hreint ágætis móti.

Hvor var du, i to tusind og syv?

2007-03-02T15:24:00.000+01:00

Það hefur líklegast farið fram hjá fæstum sem fylgjast með fréttunum hér og heima, að miklar óeirðir brutust út í gær, í kjölfar rýmingar á félagsmiðstöð íbúa við Norðurbrú. Eftir að hafa horft á mótmælin, þann 16.des síðastliðinn, í sjónvarpinu, ákvað ég þennan dag að fara sjálfur á stúfana og sjá þennan dýragarð með eigin augum...og hressandi var það.

Það var búið að ákveða að ef húsið yrði rýmt, yrði efnt til mótmæla við Blågardsplads samdægurs klukkan 17:00. Ég mætti því á svæðið með myndavélina, ásamt tugum annarra ljósamyndara og fréttastöðvafólks. Ansi rólegt var til að byrja með, enda höfðu verstu ólátaseggirnir verið handteknir fyr rum daginn þegar húsið var rýmt með áhlaupi sbr. blogg Ragnheiðar hér að neðan. Inní húsinu voru gerð upptækar gasgrímur, kylfur, fjöllin af steinum, og margar eldsprengjur sem nota átti þegar húsið yrði rýmt. Engir venjulegir prakkarar þar á ferð greinilega, og alveg ljóst að þessir “atvinnumótmælendur” sem voru frá útlöndum og tóku þátt í mótmælunum 16.des, finnast einnig í Danmörku í stórum stíl.
Þegar þarna var komið sögu var stemmingin frekar afslöppuð, og fólk bara að spjalla og drekka öl.

Þegar klukkan var orðin rúmlega fimm, flykktist fólk hins vegar hvaðanæva að, og straumurinn fór að berast upp eftir Nörrebrógötu í langri mótmælendagöngu. Löggan var við öllu viðbúin og fylgti eftir seinustu mótmælendunum í göngunni uppeftir götunni. Sjaldan hef ég séð jafn marga klædda í svartar úlpur og hettupeysur, og alveg pottþétt að North Face búðin hefur selt allar úlpurnar sínar þennan dag. Margir voru hins vegar forvitnir vegfarendur eins og ég, sem tóku myndir í gríð og erg, og höfðu gaman af. En gamanið átti eftir að kárna...

Ég var mjög aftarlega í göngunni og sá ekkert hvað gerðist fremst. Stundum sást þó í sást í reyk, heyrðist í sprengingu eða e-r læti fremst í göngunni. Þá hlupu kannski nokkrir tilbaka í hræðslu, sem smitaði svo út frá sér þannig að allt í einu komu 100 ungmenni hlaupandi í átt að manni, án þess að vita eiginlega af hverju. Þetta gerðist nokkrum sinnum, en maður náði þó alveg að halda ró sinni.

Þegar gangan stöðvaðist, við vegatálma lögreglunnar, góðan spotta frá þessu blessaða Ungdomshusi, magnaðist stemmingin smám saman. Þeir róttæku sem voru með hettur og grímur voru komnir fremst og voru að henda grjóti eins og brjálæðingar að lögreglunni. Lögreglan þusti fram og reyndi að hafa hendur í hári þessara einstkalinga. Við þetta æstist múgurinn, og tívolíbombur og sprengjur fóru að springa í kringum mann með þeim afleiðingum að ég varð ansi skelkaður. Þá kom ansi flott útspil lögreglunnar í ljós. Þeir keyrðu mörgum lögreglubílum inn í nokkra staði þvögunnar og “splittuðu” henni þannig upp. Ég vissi ekkert hvað myndi gerast næst, því skyndilega var ég innilokaður með óeirðalögreglu beggja vegna við mig. Þeir voru hins vegar mjög rólegir og sögðu öllum að róa sig niður og ganga í röð framhjá sér. Við það róaðist hópurinn mikið og ég hélt í alvöru að þetta væri allt og sumt. Mótmælendurnir voru hins vegar ekki að baki dottnir...

Þarna var farið að skyggja og hver lögreglubíllinn á fætur öðrum sást þeysa fram hjá fólki sem fór uppá gangstéttina. Þaðan köstuðu ansi margir köstu steinum, flöskum og málningarpokum í átt að bílunum.

Mótmælendur hófu að henda ýmsu drasli á göturnar og búa þannig til vegatálma sem lögreglan keyrði svo í gegnum á fullum hraða. Um leið og þeir voru farnir hins vegar, hópaðist fólk aftur saman með drasl og bjó til nýjan vegatálma. Nú hófu þeir hins vegar að kveikja í þeim og myndaðist risastórt bál við miðja götuna. Ætli það hafi ekki verið um þetta leyti sem ég áttaði mig á að þetta væri sko alls ekkert að vera búið, og ætti eftir að verða mun alvarlegra. Um þetta leyti slokknaði á öllum ljósastaurunum í kring og mótmælendur ráku upp mikil stríðsöskur. Sprengjugnýr heyrðist við og við og ástandið var farið að líkjast borgarastríði meir og meir.

Þarna ákvað ég að nóg væri komið að þessu rugli, enda þurfti ég að mæta á fund skömmu seinna vegna sjálfboðarvinnu sem ég hafði skráð mig í. Það var líka kannski eins gott, því skömmu seinna skutu lögreglumenn táragasi að mótmælendum og splundruðu þannig hópnum.

Þetta var þó aðeins byrjunin. Mótmælin áttu eftir að standi til klukkan 4 um nóttina, víðsvegar um borgina, þar sem nokkrir bílar, ótalmörg hjól og ruslagámar urðu eldi að bráð. Líklega á ég eftir að heyra skrautlega lýsingu frá Óla sem býr við Kristjaníu, en þar voru einmitt ansi öflug mótmæli við enda götunnar þar sem hann býr. Það var þó líklegast húsgagnabúðin Vstergaard Mobler, sem kom einna verst útúr mótmælunum. Búðin er ein sú dýrasta í Köben og selur rándýr húsgögn líkt og margar vörur og stóla eftir Arne Jacobsen, sem kosta allt uppí hálfa milljón...og brenna líka víst svona hrikalega vel.

Vona að eigangi þessa bíls hafi verið tryggður!

Það er svo skipulögð dagskrá fyrir mótmælendur út næstu viku, svo nú er kannski tækifærið fyrir Icelandair, að skipuleggja “Riot Weekwend in Copenhagen” fyrir áhugasama utangarðsunglinga á Íslandi!

Allaveganna er búist við meiri látum um helgina. Ég held ég láti þetta samt gott heita af minni “þátttöku”....í bili MOHAHAAHA!

Hérna getið séð gott video af atburðunum undir flipanum "Video", "torsdag kl.22:00" og svo "dagens kampe".

Jagtvej ni og tres... unger´n blir

2007-03-01T15:09:00.000+01:00

Dagurinn í dag er búin að vera soldið spes. Ég vakna kl 06:00 og kem mér af stað uppí vinnu. Kem þangað kl 7:00 og ekkert merkilegt með það, hlustaði á fall out boy í ipodinum í góðum fíling á leiðinni. Þegar fyrsta barnið kemur í leikskólann segir móðirin að það sé allt að gerast á Jagtvej 69 þar sem Ungdomshuset er. Damn hefði ég ekki verið að hlusta á músik á leidinni hefði ég séð þetta allt saman og heyrt í þyrlunum lenda á þakinu á ungdomshusinu. Það er nefninlega í dag sem löggan lét til skarar skríða og tók yfir húsið, þeir voru ekki búnir að láta neinn vita og nýttu sér surpriseelementið og náðu að rýma það á stuttum tíma. Það var svo hringt frá komunen og sagt að við mættum ekki yfirgefa leikskólann með börnin útaf þessu. Leikskólinn er svo nálægt sona 3-500metra. Við fórum þó útí garðinn eftir hádegismat og þá gat maður séð fréttaþyrlur sveima yfir svæðið. Ég var búin að vinna kl 14 og hjólaði þá heim og ég hjóla niður Nörrebrogade og þar var búið að loka flestöllum verslunum og margir búnir að setja tréplötur fyrir alla glugga. Löggan stóð svo á brúnni sem er yfir til Nörrebro (Dronning louisesbro) og stoppaði alla umferð inn til Nörrebro. Þetta er svo náttla í öllum fréttum Kl 17 eiga svo að vera einhver svaka mótmæli á Blagaardsplads og mótmælaganga uppá Jagtvej.
Kv Ragnheiður

myndir þú kjósa þennan mann?

2007-02-25T18:28:00.000+01:00

Rakst á þessa auglýsingu í Herning, fyrir um ári síðan þegar kosningar voru að fara í hönd. Datt bara í hug svona að spyrja.

stólar stólar og aftur stólar

2007-02-23T17:47:00.000+01:00

Við Gunnar lögðum land undir fót í dag, ja kanski ekki alveg neitt langt en mér leið samt eins og við værum komin uppí sveit. Við fórum nefninlega til Hoje Taastrup í dag að skoða stóla, við vorum búin að sjá þessa fínu stóla á netinu og viti menn við keyptum okkur 6 stk á 1500 kallinn. Daman var líka svo góð að skutla okkur heim með fenginn. Góður dagur í dag.Það er kanski ekki pláss fyrir þá alla hérna í litla kotinu okkar en það verður það (vonandi)þegar við flyjum heim á ísinn.

við tökum á móti hamingjuóskum símleiðis, á þriðjudögum og fimmtudögum milli 18:00 ig 20:00

vesen að þurfa alltaf að finna fyrirsagnir fyrir allar bloggfærslur

2007-02-22T21:36:00.000+01:00

Þrátt fyrir að ég er hundóánægður með framkomu ýmissa einstaklinga, samtaka, fyrirtækja og já Alþingis Íslendinga, í garð hóps fólks sem vill koma og skemmta sér á okkar ylhýra landi, þá ætla ég ekki að skrifa neinn reiðispóst...ég nenni því hreinlega ekki og ætla láta aðra um það. Í staðinn ætla ég að birta nokkrar myndir frá okkar daglega lífi seinustu vikur.

Þar sem við erum veðurteppt inni ákváðum við bara fá okkur sitthvoran bjórinn og taka í smá spil

Eins gott að maður er búinn að vera taka á því í ræktinni

Fórum á mjög áhugaverða listasýningu í Louisiana safninu, þetta er eitt af athyglisverðari verkunum á sýningunni að mínu mati.

Ein litrík

Svona er þetta alla morgna hjá okkur...

Hilsen

Nick Drake á hlaupabrettinu virkar ekki

2007-02-21T20:38:00.000+01:00

Undanarið er ég búinn að vera að spreyta mig og þreyta á hlaupabrettinu í ræktinni. Icelandair Open innanhúsfótboltamótið er á næsta leyti hérna í Köben, og því um að gera að vera tilbúinn í átökin. Ég tók svona hraðaaukningaræfingu, þar sem maður skiftir á milli spretta og rólegs skokks, með Ipodinn góða innan handar. Ég var þó á sífelldu lagaflakki til að reyna finna hvað hentaði best fyrir svona átök. Ég skellti því Fatboy Slim í spilun (hröð og taktföst rafeindartónlist), og það má segja að nú átta ég mig á hvaðan þetta nafn hjá honum er tilkomið. Feiturstrákur (Fatboy) sem er á hlaupabrettinu með svona tónlist i eyrunum, verður Slim á engri stundu. Ég jók svo mikið hraðann við þessa kraftmiklu tónlist, að gott ef ég tókst ekki aðeins á loft á brettinu í annað eða þriðja skiptið sem ég spilaði sum lögin hans. Diskurinn "you´ve come a ling way baby hentar því mjög vel við slíka iðkun, og mæli ég sérstaklega með lögunum Right her, Right now, og Rockafellar Skank laginu (Right about now, funk so brother, check it out now...). CHECK IT OUT NOW!

helgar rapport

2007-02-19T19:56:00.000+01:00

hann var viðburðaríkur hjá okkur laugardagurinn. Um daginn gerðumst við menningarleg og skelltum okkur í leikhús á lokasýningu Midt om Natten eftir Kim Larsen. Þetta var söngleikur, með, eins og gefur að skilja, urmul af lögum eftir Kim Larsen, og þar sem við erum miklir áhangendur, skemmtum við okkur mjög vel.

Um kvöldið gerðumst við heldur ómenningarleg og gerðum okkar besta til að styrkja Íþróttafélagið Guðrúnu, með kaupum á öli á bjórkvöldi sem þeir héldu á Öresundskollegíinu. Þar var hægt að gera kostakaup á bjór, og hljómaði eitt tilboðið uppá 3 bjóra á verði fjögurra! Seinna um kvöldið þegar ölvunin var orðin aðeins hressilegri þá breyttist þetta tilboð til batnaðar, þar sem hægt var kaupa 8 stk á 50 kall...eða kom tilboðið á undan ölvuninni? Man það ekki. Partýinu var svo haldið áfram á Öresundsbarnum fyrir þá allra hörðustu og vorum við meðal þeirra eðalmenna sem fylltu þann hóp.

Sunnudagurinn var því miðað við laugardaginn, mjög óviðburðamikill, eins og gefur að skilja. Við rétt náðum að stauta okkur í gegnum nokkra þætti af Prison Break. Reyndar sáum við myndina The New World eftir Terence Malick, sem segir sögu Pocahontas sem allir þekkja og dá, og reyndist það jafnframt eina framlag mitt til konudagsins. Ekki veit ég samt hvort að þynnkan gerði mig e-ð viðkvæman, en ég mæli tvídregið med þessari stórgóðu og hugljúfu mynd.

Laus og ledig-ur

2007-02-14T10:23:00.000+01:00

Jæja, þetta er nú hætt að vera spennandi þetta atvinnuleysi. Spennandi er reyndar orðum aukið. Mér hafði í aðra röndina hlakkað til að fá smá tíma fyrir sjálfan mig eftir ritgerðaskilin og þefa aðeins af blómunum í kringum mig. Stunda íþróttir, menningast á kaffihúsum með bók um hönd, og klippa stuttmyndina mína sem flestir hafa líklegast gleymt (og ég eiginlega líka). Bara verst að til að klippa myndina þarf ég að kaupa mér nýja tölvu, og til að kaupa mér nýja tölvu þarf ég pening sem er af frekar skornum skammti þessa dagana. Ég ætlaði reyndar að bæta úr því um daginn, og fékk mér vinnu á leikskóla. Það dugði skammt því ekki aðeins fékk ég minni pening en frá A-kassanum ("atvinnuleysisbætur" (sem ég er reyndar ekki farinn að sjá mikið af)) heldur tók það mestu orkuna frá atvinnuleit sem sálfræðingur, sem er töluverð vinna út af fyrir sig.
Ég er því kominn með nóg af þessari blómalykt og er að reyna halda mér eins "professionally" uppteknum og ég get. Í því samhengi hef ég sótt ýmsa fyrirlestra og námskeið ("networking"), á milli þess sem ég punga út atvinnuumsóknum hægri-vinstri. Ég fór síðan í dönskumat hjá öðrum dönskuskóla. Það gekk það betur eða verr en seinast, eftir því hvernig á það er litið, þannig að á mánudaginn byrja ég í svona intensive kúrs fyrir lengra komna. Það mun vonandi bæta stöðu mína í atvinnuleit og "networking" við aðra sálfræðinga.
CV-ið mitt er a.m.k. alltaf að verða betra og betra, svo það er vonandi að það beri e-n árangur...

hringavitleysa

2007-02-05T23:02:00.000+01:00

Ekki var ég búinn að heyra neitt frá vinnustaðnum sem ég var í atvinnuviðtali hjá um daginn. Þó sú þögn segir líklegast meira en mörg orð reyndi ég samt sem áður að ná í staðinn. Í fimmta skiptið náði ég loks í e-n sem gat svarað mér. Það var eins og við var að búastm, better luck next time. Þetta var samt e-r skrifstodublók sem sagði mér fréttirnar og fékk ég því ekkert feedback eins og ég hafði vonað.
Mig grunar samt að tungumálið gæti spilað smá rullu og því ákvað ég að skella mér í smá viðbótarkennslu í dönsku. Eða réttara sagt að reyna það! Því ég mætti og fór í viðtal og...fékk ekki inngöngu! Var of góður! Aldrei heyrt þennan áður. Spurning að mæta aftur í viðtal með yfirvaraskegg og reyna standa sig aðeins verr. That would be the first...

Annars höfum við heldur betur eitt til að hlakka til. Þann 22.mars munum við fljúga til Cambridge, Uk, og heimsækja Bjössa og Regínu og spora aðeins út íbúðina hjá þeim :) gaman gaman

helgin sem er að líða undir lok

2007-02-04T17:17:00.000+01:00

Er maður orðinn gamall þegar maður er að spila Kanöstu á laugardagskvöldi...og bridge á fimmtudagskvöldi?

Annars fórum ég og Óli á tónleika í Nørrebro á föstudagskvöldið eftir að hafa kíkt og nokkra flotta bari. Mæli með Bankenråt á Nansensgade fyrir áhugasama. Tónleikarnir voru sæmó, e-ð indie rokkband sem ég sá auglýst í blaðinu fyrr um daginn. Man ekkert hvað þau heita sem segir kannski ýmislegt. Reyndar var upphitunarbandið miklu betra!

Það var því töluverd Nørrebróderað um helgina, því á laugardeginum fórum ég og Rags aftur á sömu slóðir en nú um daginn. Nørrebro er bara finnst mér eitt það skemmtilegasta hverfi í köben. Margir tengja það nú við gettó og e-ð “slum”, en stapreyndin er að þar er mest lifandi og fjölbreytilegasta mannlífið sem ég hef séð. Urmull af flottum design búðum og kaffihúsum sem voru svo gerð góð skil á. Svona New York fílingur (held ég, hef reyndar aldrei komið þangað :).

Við vorum reyndar hálf skökk og kjánaleg mestallan daginn. Ragnheiður var að prufa nýju skóna sína og þrátt fyrir nokkur varúðarorð sem hún lét sem vind um eyru þjóta, uppskar hún fljótlega nokkur góð hælsæri og haltraði því um götur borgarinnar uns við fundum apótek og plástra sem linuðu aðeins óþægindin. Hvað mig varðar þá var ég nú litlu skárri. Ég hafði tekið ansi massífa hlaupaæfingu með Árna hlaupagarpi daginn áður, en þrátt fyrir mikil átök og mikla vellíðan að henni lokinni, þá hef ég e-ð náð að misstíga mig og marist undir ilinni. Þetta var því svona “haltur leiðir haltann” göngutúr hjá okkur. En skemmtilegur samt sem áður.

I smell smoke

2007-01-30T15:55:00.000+01:00

Fannst ég vera búinn að finna einkennilegan fnyk í íbúðinni seinustu mínútur. Var ekki frá því að um brunalykt væri að ræða. Er ég því búinn að hnusa hér og þar í íbúðinni og búinn að fullvissa mig um að lyktin kemur ekki héðan. Lít ég þá út um gluggann minn og sé ágætan reykjastrók leggja frá íbúðinni ská fyrir neðan. Mig grunar að það sé kviknað í og rek hausinn út um gluggann. Neinei, þá eru bara grannarnir að grilla svona í góða verðrinu útá svölum, í lok jan!

spennitreyja

2007-01-30T14:08:00.000+01:00

Já, spennan er í hámarki hér í Danaveldi og ekki aðeins útaf handboltaleiknum! Ég á nefninlega mjög erfitt með að hafa augun af símanum því ég á von á símtali hvað að hverju frá Barna- og unglingaráðgjöfinni í Helsingor, en þar var ég einmitt í mínu fyrsta starfsviðtali nú fyrr í dag. Þetta gerðist ansi fljótt fyrir sig, því það var bara á miðvikudaginn sem ég skilaði inn starfsumsókn og svo tæpri viku seinna er bíð ég eftir símtali!
Staðan sem ég sótti um var ný innan kerfisins og er ætluð að búa til úrræði fyrir börn með ADHD, nokkuð sem maður er ansi kunnugur fyrir. Viðtalið var mjög erfitt (spurningarlega séð) því það var sífellt verið að spyrja hvað "ég" gæti komið með nýtt inní starfið, hvernig ég mundi reyna byggja það upp, og fleiri þess háttar spurningar. Nokkuð erfiðar spurningar fyrir nýútskrifaðan sálfræðing. Ég náði samt að koma með nokkra góða praktískar hugmyndir og punkta um það sem ég gæti lagt til málanna og fannst mér að ég hafi skorað nokkur stig þar.
Andrúmsloftið var fannst mér nokkuð gott, sjö kvenmenn á miðjum aldri sem baunuðu á mig spurningum sem ég svaraði eftir bestu getu. Að auki náði ég nokkrum sinnum að slá á létta strengi aukreitis. Það verður því fróðlegt að sjá hvort frammistaðan mín hafi dugað til eða hvort þau vlji fá e-n reyndari sálfræðing sem er fastur í gömlum skorðum eða einn ungan og ferskan með fullt af hugmyndum! Jæja, verð að hætta núna því mér finnst endilega a síminn sé ða fara hringja bráðum...

Óskars”season” er hafið. Nú ber vel í veiði

2007-01-27T10:08:00.001+01:00

Þá er búið að tilkynna hvaða myndir hlutu Óskarstilnefningu fyrir árið 2006. Ekki get ég sagt að ég hafi mikla skoðun á hvaða myndir eiga eftir að hreppa hnossið enda hef ég ekki séð nema brot af myndunum. Ólíkt fyrri bíoárum á Íslandi. Hérna fer ég bara svo miklu sjaldnar í bíó. Maður hefur líklegast e-ð betra við peningana að gera (reikningar). Það hefur nú samt sem áðu gripið um sig smá spenningur í kjölfar tilnefninganna því þá er einnig ljóst hvaða myndir eru skyndilega í boði á netinu í DVD gæðum. Óskarsakademían hefur fengið eintök af öllum myndnum sem komu til greina, og e-s staðar í því ferli hafa myndirnar ratað inná alnetið. Það ber því vel í veiði fyrir niðurhalsseggi eins og mig. Þetta gæti kannski verið ástæðan fyrir því að ég hef farið svo lítið í bíó undanfarið...?

Viggó Viðutan hvað ?!?

2007-01-26T14:07:00.000+01:00

Ég var ágætlega viðutan við mig í gær. Ætlaði að skella mér í ræktina og henti dóti úr fataskápnum í æfinartöskuna. Ég hefði betur átt að skoða hvað leyndist í þessari fata hrúgu, því þegar ég tók uppúr töskunum fann ég út að ég hafði tekið bol og íþróttajakka en ekki íþróttabuxur (sem voru n.b. úr sama efni og sama lit)! Ég fór í bolin og fór fram í afgreiðslu og spurði hvort þeir ættu ekki e-ð í tapað fundið sem þeir gætu lánað mér
Afgreiðslumaður: Af hverju?
Ég: Því mig vantar íþróttabuxurnar mínar
A: í hverju ertu þá núna?
É: Þessum gallabuxum hérna en...
A: Það má alls ekki vera í gallabuxum í ræktinni!
É: Rólegur, ég ætlaði að kanna hvort þið gætuð lánað mér e-ð úr tapað/fundið
A: “Bíddu aðeins”. Fer til kollega síns sem spyr mig svo aftur af hverjum mig vantar buxur.
É: Því ég gleymdi mínum heima og er bara í þessum hérna og...
A. Það má alls ekki fara í galla...
É: Ég greip frammi fyrir honum. “Nei, ég ætlaði það heldur ekki. Þess vegna vantar mig lánsbuxur”.
A: Nei, það gengur ekki, hvernig heldurðu að það mundi vera ef sá sem hefur týnt flíkinni, væri hérna og mundi sjá þig í þeim?
É: ÆTLI HANN YRðI EKKI BARA ÁNÆGÐUR AÐ FINNA ÞÆR AFTUR HELVÍTIÐ ÞITT!! - langaði mig að öskra uppí eyrað á honum og var strax farinn að sjá eftir því að spyrja Dana um greiða. Það er alltaf eins maður sé að biðja um frumburðinn þeirra í hvert sinn! Ég ákvað að heillavænlegra væri að segja: Áttu þá ekkert svona ársgamalt drasl?
A: Nei, við hendum alltaf reglulega og eigum eiginlega ekkert eftir.
É: Hann var kominn í svo bullandi þversögn við sjálfan sig en ég sá í hvert stefndi. Djö...hefði átt að segja hitt frekar. Hefði verið meira "feis". Í staðinn bölvaði ég honum í hljóði og fór heim og henti dótinu inní skáp aftur.

Í dag gerði ég aðra tilraun, en það var eins og við manninn mælt, hvað tók ég uppúr töskunni annað en íþróttabol og íþróttajakka enn eina ferðina! Ég þakkaði hins vegar mínum sæla yfir að hafa tekið stuttbuxur með til að hlaupa í á brettinu (íþróttabuxurnar eru sko til að geyma Ipodinn í, ekki góðar til að hlaupa í innivið).
Ég gat þó huggað mig við það að ég hafði gleymt handklæðinu...
Ég er ekki alveg í lagi suma daga...

Nyhedsavisen "on fire"

2007-01-26T13:44:00.000+01:00

Danirnir eru ágætlega duglegir við að birta fréttir sem sem gera lítið úr árangri
Íslendinga hérna og þá sérstaklega úr Nyhedsavisen. Þeir birtu um daginn eina grein yfir það sem stóð uppúr á árinu og tilgreindu atburð sem þeir kölluðu blaðabrennurnar á Amagerströnd. Ekki hafði ég heyrt um þær áður, en þá virðist sem blaðberar fyrir Nyhedsavisen sem voru sóttir frá Póllandi virtust ekki hafa skilið upp né niður í starfi sínu og kunnu ekki einu sinni að lesa kortið til að sjá hvar þeir áttu að dreifa blöðunum. Sumir af þeim höfðu því brugðið á það ráð að losa sig við blöðin með öðrum hætti og hent tugum af blaðabunkun í höfnina. Einum datt í hug það snjallræði að kveikja í þeim á Amagerströnd sem var frekar afvikin um þessar mundir. Þetta fannst öllum snjallræði og fleiri og fleiri bættust í hópinn. Þetta komst af sjálfsögðu upp eftir skammt (enda gríðarlegur reykur sem kom af þessu). Pólverjarnir voru reyndar með e-r afsakanir og sögðu að allt væri í kaós hjá þessu fyrirtæki og að erfiðlega hefði gengið að fá lykla af stigagöngunum. En kommonn, hve stúpid geturðu verið ef þú getur ekki einu sinni fundið út úr korti, eða bara spurt um nánari leiðbeiningar. Héldu þeir að auki virkilega að brennurnar mundu ganga til lengri tíma litið. Nú held ég a.m.k. að ein ástæða sé komin fyrir þvi af hverju dreifing blaðsins sé ekki búin að vera eins og góð og áætlað var...

éttu, annars rýrnun!

2007-01-25T17:14:00.001+01:00

Alveg magnað hvað matarlystin breytist hjá mér eftir að ég byrjaði í ræktinni. Nú heimtar líkaminn bara hágæða prótín eftir hverja æfingu og ekki nóg með það, heldur vekur hann mig stundum á næturnar með hávaða garnagauli. Ég er nú ekki farinn að hafa kjúklingalæri á náttborðinu ennþá, en fæ mér þess í stað stundum prótinsjeik á kvöldin. Ég man samt að halda honum sem lengst frá sófanum (þeim er víst e-ð illa til vina). Bara verst hvað maður rekur mikið við af´essu...

anall

2007-01-23T18:07:00.000+01:00

Já, svei mér þá ef þessi annáll frá Ragnheiði hefur ekki kveikt í mér smá löngun til að gera einn svipaðan sjálfur. Þetta verður hins vegar ekki atburðannáll eins og hjá henni enda mundi það vera ansi mikil endurtekning. Þess í stað ætla ég að gera svona tónlistarannál fyrir árið eða svona “mest spiluðu diskarnir”. Það kemur í stað “bestu diskarnir árið 2006”, því þeir sem ég spilaði mest þetta árið komu ekki endilega út á árinu. Að auki hef ég nú oft verið svona “semi-eftirá” með nýja tónlist og sem dæmi um það þá hef ég oft kannað nýjustu diskana og ákveðið að mér líki ekki við þá, en breyta svo um skoðun ári seinna þegar allir aðrir eru búnir að nauðga þeim. Þetta ætti því frekar að heita “best of...2005” ef e-ð. Þetta endurspeglar því frekar svona tónlistasmekk minn þetta árið og hvaða múíksanta ég uppgvötaði þetta árið. Sumt af þessu er hins vegar ekki mjög nýtt af nálinni. Ég mæli með að fólk gefi sér tíma og kanni viðeigandi diska eða sérstaklega lög sem ég tel upp, því það er aldrei að vita nema það heyri e-ð sem þeim muni geta líkað.

Bestu diskarnir (í engri sérstakri röð)

The Streets: Ég útskýrði vel hvaðan þessi hrifning kom eftir seinustu Hróaskelduferð mína. Alveg merkilegt hvað svona hand-picked lög (samnefni yfir best of cd) geta gert til að breyta skoðun manns á tónlistarmanni. Hafði áður álitið hann sem frekar pirrandi white-trash týpu, en lít núna á hann sem ljóðrænan og góðan rappara sem er einn þeirra fáu rappara sem ég get hlustað á. Lög eins og Has it come to this og It´s too late og Dry your eyes mate, ættu allir að hlusta fyrst á áður en þið dæmið hann. Fyrsta og önnur platan mun betri en sú seinasta.

Flaming lips: Yoshimi Battles the Pink Robots (2002) – eflaust einn sá mest spilaði 2006. Ekki glænýr af nálinni, en hvert lagið öðru betra. Skiptir eiginlega ekki máli hvað þið heyrið af honum, mæli þó sérstaklega meðAre you a hypnotist, Fight test, og Do you realize. Féll þó í þá gildru að download.$%$#, ehemmm...”nálgast” alla hina diskana þeirra í einu, sem endaði í of miklu tónlistarflóði sem ég gat ekki melt almennilega. Nýjasti diskurinn þeirra At War with the Mystics og The Soft Parade gáfu þó ágætis fyrirheit.

Leonard Cohen: Eitt af “uppgvötunum” mínum þetta árið“. Eins og ég sagði, ekki alltaf fyrstur með fréttirnar”, og til að bæta gráu ofaná svart er þetta Best of diskur sem ég hlustaði á. En ef þið viljið fá á tilfinninguna að þið séuð “intellektjúal artý” týpur, þá mæli ég með að þið skellið Cohen á með rauðvínsglas um hönd og kertaljós, og hlustið sérstaklega á lög eins og So long Marianne, Suzanne, Who by Fire og The Partisan.

Nick Cave: Sama uppi á teninginum hér. Hafði oftast álitið Cave sem frekar þungan og fullmyrkran fyrir minn smekk, en eftir að ég komst yfir Best of... plötuna hans að þá sá ég að hann hefur samið heilmikið af mögnuðum lögum (en samt mikið af tormeltun lögum einnig). Flestir kannast eflaust við Into my arms, og hið kraftfmikla Do you love me, en færri við lög eins og Henry Lee og hið einstaka The one I´ve been waiting for.

Kaiser Chiefs: Unemployement. Svo geta tónleikaferðir einnig skipt sköpun (sköpum? (í alvöru, hvernig?)) í tónlistarsmekk manns. Var nokkuð spenntur fyrir tónleikum þeirra hérna í Köben og kynnti mér því rækilega plötuna þeirra. Eftir tónleikana þá voru þeir búnir að stimpla sig endanlega inní tónlistarminni mitt.

Keane – Under the Iron Sea, og Hopes and Fears. Kynntist þessu bandi fyrir alvöru þetta árið og þvílíka magnið af góðe efni sem kemur frá þeim. Að vísu margt keimlíkt, en að sama skapi flest jafn gott. Þarf líklegast ekki að kynna frekar, en mæli með að fólk kíki á diskana þeirra þvi þar er fullt af efni sem ekki fór í spilun á útvarpsrásum allra landsmanna.

Jeff Who – Death Before Disco: Bjartasta von Íslendinga að mínu mati. Ef e-r er ekki búinn að rúlla þessum í gegn og hefur aðeins dansað við Barfly á skemmtistöðum borgarinnar, þá á hinn eftir góða upplifun í anda The Strokes.

The Killers – Hot Fuss. Eldri diskurinn þeirra er mun betri en sá nýji að mínu mati (enda kom sá nýju út 2006 og því varla við því að búast að ég sé búinn að melta hann almennilegaJ). Allt hörku hressir slagarar þar á ferð!

Arctic Monkeys – Whatever people say I am, I am not. Þessi rétt skreið inn á listann. Heyrði í þeim snemma árs en það var ekki fyrr en undir lokin að ég augun opnuðust. Kraftmikið rokk með nokkrum hörku slögurum. Allir kannast við I bet you´ll look good on the dancefloor, en hvað með lögin A certain romance og Dancing shoes?

Coldplay – Castels. Eftir að vera búinn að hlusta samfleytt á Coldplay í fimm ár, sá ég fram á pásu í þeim málum þar sem þeir voru sjálfir búnir að lofa pásu í útgáfum. Það var þó áður en þeir gáfu út samansafn af B-hliðar lögum af smáskífum og öðru efni sem rataði ekki inná hina diskana þeirra. Fullt af eðalalögum a la Colplay og brúar bilið þar til næsta skífa þeirra lítur dagsins ljós. Crest of waves og Things I don´t understand raða sér einna hæst.

Þessir rötuðu einnig hátt:

Depeche Mode: Væri eflaust á toppnum ef ég hefði drattast á tónleikana með þeim á Parken, já eða í Árósum.

Ampop – My Delusions: Engin rakin snilld, en samt ansi mikið spilaður og vel virði góðrar hlustunnar.

Pink Floyd: Eru stöðugt í spilun og tek ég jafnan gott Floyd-ara tímabil. Eftir Roskilde hinsvegar, þar sem ég bókstaflega táraðist á tónleikunum, met ég þá enn meir en áður. Ef e-r efast um þá, þá fær lagið til dæmis Comfortably Numb alla til að snúast til betri vegar.

Þessi kemur sterkur inn á nýju ári:

Hotel Costes – 2006: Samansafn safaríkrar House tónlistar og ekta “kaffihúsatónlist” tekið saman af plötusnúði hins þekkta hótels Costes í París. Þeir sem hlusta í laumi á Party Zone á Rás 2 ættu að kíkja á þessa eðalblöndu af þvi besta í house tónlist 2006. Er þegar búinn að “nálgast” 2003, 2004 og 2005 og er ekki svikinn.

vona að þið hafið enst lesturinn og orðið e-u fróðari

snjói snjó

2007-01-22T21:13:00.000+01:00

Það snjóaði í dag. Ég sem hélt að við værum að fara að hætta að hafa snjó hérna í Danmörku þökk sé global warming. En maður getur víst ekki hrósað happi of snemma nei nei. Það var sko ekkert gaman að hjóla í skólann mér leið allavegana eins og í byl. Lásinn var meira að segja frosin. suss vona að þetta verði ekki slæmt. og fari helst á morgun. Líklegt, held ekki.
Svo er mar að fara í próf á miðvikudaginn lokapróf í Íþróttum. Nú er ég búin að vera í þessum skóla í 2 og hálft ár og þetta er fyrsta prófið sem ég fæ einkun fyrir. Eð annað en heima. Maður hefur alltaf bara fengið náð/ekki náð einkun. Það verður spennandi að sjá hvernig það fer. 'Eg hlakka allavegana til að vera búin að þessu. Því svo fæ ég vikufrí, ekki slæmt, áður en ég byrja svo verknáminu mínu á Jordkloden/jarðarkúlunni leikskóla á Innri Norðurbrú. Þetta er seinasta verknámið mitt.
EKki mikið meira að frétta hérna hjá mér í bili. kv Ragnheidur

annáll ársins 2006

2007-01-19T19:59:00.000+01:00

Þetta er kanski fullseint en hérna kemur allavegana smá annáll fyrir árið 2006

-Janúar
já í janúar bjuggum við enþá í Árósum hugsa sér mér finnst það svo langt síðan. Þessi mánuður fór í að pakka öllum okkar eigum í kassa og bubluplast. 'Eg kláraði líka praktikina mína í Rend og hop. Sá sem veit hvað rend og hop þýðir fær plús í kladdann:)
- Febrúar
1. Febrúar leigdum við fluttningabíl og keyrðum til Köben og fluttum við Gunni inná Gerði og Kjarra á Öresundskollegiið. Ég byrjaði í Hovedstadens pædagogseminarium 5. feb fluttum við inní Svanemöllen í silfurlituðu íbúðina. Med sameiginlega klósettinu með grannanum og sameiginlegu sturtunni með sören, dan, anne, marie og já öllum í fokkin húsinu. Þar voru haldin nokkur teitin með Gerði, Kjarra, Rex og Bjössa og Fúsa sem rann í hlað 23 febrúar. Fengum tilboð í íbúð á Prags Boulevard !! Hver veit hver veit Gunni byrjaði á fullu á kandídatsritgerdinni sinni.
- Mars
Byrjaði að vinna sem vikar í Spiretoppen sem er ekki grænmetismarkaður heldur leikskóli. 5. mars fluttum við í aðra íbúð en sama klósett ef þið fattið mig, við fluttum kanski ekki inná klósettin en já íbúðina við hliðiná, sem var sem betur fer ekki með silfurlituðum veggjum. Fúsi kallinn flutti inn með okkur þar. Gunni fór á Kaiser chefs með Kjarra, Óla og Louise. Gunni byrjaði í Guðrúnu. Skoðuðu dýrin í dyragarðinum í Köben. (Mamma hvernig segir mar aftur Dýragarður á Dönsku he he)'Eg prófaði Hjólastólakörfubolta ekkert sma´skemmtilegt.
- Apríl
3. apríl fluttum við inní endanlega íbúð á Prags Boulevard 54 ekkert smá sátt. Kjarri, Gerður, Bjössi og Fúsi hjálpuðu okkur að flytja. Gunni kíkti í heimsókn til Árósa. Byrjað að selja skyr.is í Dk heitir bara skyr samt hérna. Gunni klárar fyrstu 16 síðurnar af verkefninu sinu til vejlederens síns þar af urdu 3 af þessum síðum í endanlega verkefninu. Mams kom í heimsókn með allar Arnarsmárapíurnar með sér. Good times.
- Maí
Kíktum í Fælledparken á 1. maí mótmæli margmenni mætt á svæðið. Ég lenti í árekstri á hjólinu mínu keyrdi inní bíl. Margrét og Leifur komu í heimsókn. Hjördís, Jóhanna, Kristín H, Kristín Erla, Kristín Rut, og Íris komu í eftirminnilega heimsókn til Köben. Silvía Night var púuð af sviðinu í júróvisjon. Gunni kíkti á Radiohead í KB hallen. Fórum út að borða á Umami nammi namm segi ég bara. Gerður Flutti heim gráti grát. Fúsi flutti heim gráti grát.
- Júní
Leifur kom í stutta heimsókn. Ég kláraði önnina og þar með ordin löggiltur sundkennari allavegana hér í DK. Kjarri flutti heim Gráti grát. Gunni fór á Hróaskeldu.
- Júlí
Þóra Stína kom í heimsókn í 11 daga vei vei. Við kíktum saman á Hróaskeldu á sunnudeginum og sáum ýmis skemtileg bönd. Kíktu til Malmö. Skoðuðum íslendingaslóðir með Guðlaugi Ara og Bjössa og Regínu. Fórum í útisundlaug með 10 stökkbrettum í góða góða veðrinu. Fórum til Helsingör og Helsingborg með Rex. Fórum til Porec í Króatíu og hittu ma og pa. Góð ferð. Gott veður. Kíktum líka til Slóveníu og Feneyja.
- Ágúst
11. ágúst varð Gunni 28 ára. of heitt til að gera neitt. 'Eg hljóp boðhlaup með skólafélögum mínum í Fælledparken. Boten ANna gerði allt vitlaust bæði í DK og á 'Islandi.
- September
Fórum í pílagrímsferð til Árósa og kvöddum Emil og Siggu Lóu sem voru á leið til Íslands mánuði seinna. Hittum gamla vini og kíktum á Festuge. Gunni fór á Rolling STones í Horsens með Bjössa og EMil. Ég fór í stutta heimsókn til 'Islands.
- Oktober
Gunni fór til Íslands. Ég fór til Tékklands. Keyptum okkur flatskjá. Já og svo það skemmtilegasta sem gerðist í mánuðinum var að hún elskulega litla systir mín hún Arna kom í heimsókn.
- Nóvember.
27 nóvember varð ég 24 ára. Gunni kláraði Kandídatsverkefnið sitt. Keyptum okkur ekspressókaffivél á 20 kall. Fórum á árshátið Guðrúnar. Svakalegt stuð. Pabbi kom í heimsókn frá Bergen ýmislegt gert i því tilefni.
- Desember
Keyptum fullt af jólagjafapökkum handa ykkur elskurnar mínar. Flugum heim 18 des. Eyddum jólunum í góðu yfirlæti með fjölskyldu og vinum. Sakna ykkar allra og vonandi að 2007 verði jafn viðburðaríkt og 2006.

leiddur til slátrunnar

2007-01-13T18:41:00.000+01:00

Þá er núna kominn tími á klippingu. Kosturinn við Danmörku er að hægt er að fá klippingu á 90 dkr annars vegar og svo þessa á 300 dkr. Munurinn liggur í þessir ódýru eru rét búnir með eitt eða tvö ár í námi en geta samt sem áður opnað stofu. Oftast eru það innflytjendur sem rekar þær stofur. Hinir eru búnir með 4 ár eða meira. Ég hef nær alltaf farið á þessu ódýru stofur, en stundum fengið lakari klippingu fyrir vikið. Ég hef fundið eina mjög góða á Svanmollen, síðan við bjuggum þar fyrir um ári og látið mig hafa það að ferðast í 30 mín til að fá góða klippingu. Ég hef þó ekki alltaf nennt því og hef þvi verið að prófa mig áfram hérna í nágreninu. Það hefur verið svona happadrætti í anda Forrest Gump “You never know what you´re gonna get”, hvernig maður kemur klipptur út frá stofunni. Til að mynda lét ég snoða mig eftir seinustu heimsókn á eina klippistofunna. Ég ætlaði þvi að heimsækja minn góða kunningja í Svanemollen en því miður er hann í fríi til 23.jan. Ég ákvað því að prufa einn hérna í húsinu við hliðiná. Mér leist ekki á blikuna frá þvi ég steig þar inn. Þegar ég spurði hvort ég gæti fengið klippingu hér, benti maðurinn benti bara á stólinn Ég fór úr og svo benti hann mér aftur á stólinn. Ég settist og grunaði að væri svona silent typa. Svo sest ég og hann setur svuntuna og það á mig og spyr svo: “Maskin?” (Rakvél). Ég reyndi að útskýra hvort hann gæti klippt mig með skærum á kollinum en gæti notað vélina á hliðarnar. “Saks?” fékk ég á móti. Smá tungumálaörðugleikar. Úff...það er verið að fara slátra mér hérna, hugsaði ég. “Já”, sagði ég og benti svo á “maskin” og stærsta blaðið. “Maskin?” fékk ég til baka. Þá gerði ég nokkuð sem ég hef aldrei gert. Ég stökk upp og gaf honum einn svellkaldan á hann beint í smettið! Nei, nei. En ég stóð upp og sagðist ætla fara á annað stað. Greyið maðurinn vissi ekkert hvaðan á sig stóð veðrið og náði í konuna sína til að vera túlkur okkar á milli. Ég held ég bíði til þess 23.jan.

Gunni eyðilagði sófann

2007-01-11T22:22:00.000+01:00

Já það er rétt, það þurfti eð þessu líkt til að ég tæki upp bloggpennann. Því einhverveginn efast ég um að hann mundi skrifa þetta... eða hvað maðurinn skrifar nú um innslög svo hver veit:) Nú yða lesendur líklega í skinninu að vita hvernig kallinn gerði þetta, þannig er mál með vexti að Gunni fór að búa sér til Próteinsjeik með banana, mjólk og próteindufti og þegar þetta var allt saman tilbúið tekur hann sér einn til tvo sopa og leggur könnuna svo frá sér á sófaarminn nema hvað að sófaarmurinn var ekki eins stöðugur og kallinn hélt og ca 529ml af próteinsjeik flæddu yfir sófann. Já og ofaní allar smugur sem það fann. Við erum nú búin að reyna að þrífa hann og núna stendur Gunni með hárblásara í hönd og reynir að þurka hann og stofan ilmar af súkkulaði og banana. Vonandi bara að það breytist ekki í miglufýlu púha.

gunni vildi láta fylgja með að honum fyndist þetta bara miklu betra sona það væri miklu betri lykt í íbúðinni núna hann er svo hrifinn af bananasúkkulaðiilmi.

Kveðja Ragnheiður

back to school

2007-01-11T20:42:00.000+01:00

Þá er ég kominn aftur í leikskólann. Nei, ég er samt ekki genginn aftur í barndóm. Kannski að vissu leyti þó, því ég fékk mér afleysingarvinnu í leikskóla hérna í nágreninu. Ágætt til að fá aðeins meiri pening í budduna, smá æfingu í dönskunni og svo er nú bara gaman umgangast þessi litlu kríli. Það er samt spurning hvort að danskan eigi eftir að bætast e-ð því krakkarnir tala nú ekki alltaf sérlega skýrt, með annaðhvort munninn fullan af mat eða nebbann fullan af hori :) Þannig ef eg ég byrja að tala nefmælta dönsku, þá vitið af hverju.

dagbækur, gulls í gildi

2007-01-08T23:36:00.000+01:00

Ég get glaður tilkynnt þeim sem voru ekki svo heppin að fá eintak af nýjustu bloggbókinni í bókaverslunum fyrir jólin, geta huggað sig við það að ég luma enn á nokkrum eintökum sem verða seld hæstbjóðendum. Fyrir þá sem vita ekkert hvað ég er að tala um, þá hef ég seinustu prentað út þessa bloggpósta okkar Ragnheiðar og látið binda inn. Við erum bara svo gamaldags að okkur þykir enn gaman að skoða þetta á prenti. Og gaman er það, miðað við þetta gullfiska minni mitt, þá ætti ég að vera búinn að steingleyma þessari dvöl okkra hér úti. Það er því ansi gaman að hressa upp á minnið sitt og kíkja á hvað maður var að gera fyrir tveimur árum síðan núna í
þessum bókum...hvernig ætli það verði að kíkja í þær eftir tíu ár?

Þrátt fyrir að maður hafi nú verið ágætlega duglegur að blogga, þá er það nú samt ekki ástæðan fyrir að bókin lítur út eins og símaskrá. Mig grunar að 200gr (og aaalltof þykki) pappírinn eigi e-n hlut að máli

björninn risinn úr dvala

2007-01-08T23:34:00.000+01:00

Heyrðu, við vorum með blogg...alveg rétt. Já, krakkarnir á Prags Boulevard eru heldur betur búin að hafa það gott síðan þeir létu vita af sér seinast. Seinast þegar við fréttum af þeim voru þau í óða önn við að heimsækja ættingja sína sem þau höfðu ekki séð lengi lengi, og voru að fara opna dularfulla pakka sem birst höfðu undir jólatrénu þeirra einn góðan veður daginn. Jahá, það var sko spennandi!

Ég hef nú aldrei verið sá sem segir frá öllu sem gerist í lífi mínu/okkar og hef frekar reynt að týna til það sem svona þykir markverðast eða sem hefur vakið upp stundum misáhugaverðar pælingar. Þar sem jólin voru yfirfull af þessháttar atburðum og ég hef ekki haft það í mér að gera skil á þeim öllum með jöfnu millibili, ætla ég að leyfa mér að skoppa að mestu yfir það tímabil. Enda voru jólin kvödd núna um daginn og flestir teknir við að hefja nýtt og heilbrigt líferni. Það er því við hæfi að ég sláist í hópinn og útlisti því hér með hvað líkaminn er sáttur við mig núna. Allur þægilega dofinn eftir átökin í ræktinni og getur ekki beðið að fá sína hvíld svo hann geti náð saman aftur slitnum vöðvaþráðum og bætt um betur svo úr verði myndarlegur vöðvamassi.

Það var hafist strax handa eftir heimkomu frá klakanum og skellt sér í badmintontíma í klúbbi sem er hérna steinsnar frá íbúðinni: Amager badminton klub. Að vísu fór ég í tíma fyrir mjög reynda spilara (hafði ansi gott álit á sjálfum mér sem spilara, þ.e.a.s. fyrir tímann :) En þó þetta hafi verið meiriháttar skemmtilegt að spila við svona hörkuspilara, þá var þetta aðeins of hátt level fyrir mig, a.m.k. um þessar mundir (Og ég hélt að maður gæti ekki fengið harðsperrur eftir badminton...). Ég þarf því aðeins að öðlast aftur tilfiningu fyrir spaðanum. Ég fór því strax aftur í annan tíma á sunnudeginum sem var fyrir spilara á mínu reki og held ég láti þar við sitja, einn tími á viku á sunudögum héðan í frá næstu mánuði!

Nú skal þegja, nú skal þegja...

2006-12-29T16:53:00.000+01:00

Já, eitthvað þykir mér nú andi jólanna fara fyrir lítið hjá ónefndu rauðsokkufélagi hér í bæ.

“okkur í XXXX finnst það alveg óforsvaranlegt að sá ágæti siður að syngja jólalög sé að stuðla að kynjamisrétti og fyrirframgefnum hugmyndum um hlutverk kynjanna. Hér höfum við jólalag eins og “Nú skal segja…”, hresst og skemmtilegt lag sem mundi vera sungið á heimili mínu ef ekki væri fyrir þau hlutverk sem verið er að ýta að börnunum í textanum. Í textanum eru sagt um litlar stúlkur að “…þær sér greiða, þær sér greiða eins og litlar stúlkur gera” á meðan strákarnir fá að sparka í bolta úti í hressu veðri! Af hverju mega stelpur ekki líka sparka í bolta, eiga þær kannski bara að bíða við hliðarlínuna og hvetja manninn sinn til dáða öll uppstríluð og tilgerðaleg fyrir hann. Af hverju eru stelpur ekki að sparka í bolta í laginu líka? Að vísu mundi þá vera endurtekning á textanum en ég tel það þó betra en að vera kenna börnunum þessi óskup. Að auki mætti skipta þessari athöfn út fyrir e-ð meira hlutlaust eins og að hjóla.
Hvað varðar hin versin finnst mér að svipað eigi við þar. Ég er nú komin vel á sextugsaldur og ég tek enn í nefið og hef gert í fjörtíu ár og finnst því að gamlir kallar eiga ekki að hafa einkarétt á því eins og kemur fram í seinni part lagsins. Á meðan eiga gömu konurnar “…próna sokka, prjóna sokka, eins og gamlar konur gera…” Ég hef nú aldrei prjónað á ævinni minni og heldur ekki þær stöllur mina í kvennréttindaklúbbnum okkar!
Það er því komin tími til að fella burt þetta svokallaða jólalag af dagskrá jólahátíð grunnskóla enda fær barnabarnið mitt hún Hnallþóra ekki lengur að stíga fæti þar næstu jól ef þetta heldur áfram!

hinar ymsu hliðar personuleikans

2006-12-22T11:43:00.000+01:00

Maður verður bara allt annar maður þegar maður kemur heim á klakann...

Gleðileg Jól allesammen!!

Jólaljós

2006-12-22T11:33:00.000+01:00

Já, þrátt fyrir að það sé búið að vera hreint ágætis veður í Danmörku, þá er það nú ekki ástæðan fyrir að maður sýnir smá lit hérna á Íslandi, og með því að sýna lit þá meina ég smá brúnku, og ekki kaffi hekldur meira svona kaffi með mjög mikilli mjólk. Við skelltum okkur nefninlega í einn stuttan ljósatíma fyrir heimför, aðeins 13 mínútur. Við erum samt ekki reyndari í ljósamálum en það, að þessi ljósatími reyndist meira en nóg og rúmlega það þar sem að ég gat ekki enn sofið á bakinu tveimur dögum seinna. Við nefninlega brunnum svona ágætlega og ég mun verr en Ragnheiður. Húðin er greinilega komin úr brúnkuæfingu. Nýjasti jólasveinninn er því kominn í bæinn sem leysir af Rúdolf með rauða nefið með prýði, því ég þurfti að stýra flugvélinni hingað til lands í gegnum blindhríð með rauðum glóandi bossanum mínum.

Be still my beating heart

2006-12-16T11:54:00.000+01:00

Sjón er sögu ríkari. Í þessu vídeóklippi eru nokkur af flottustu mörkum sem ég hef séð...verst að þau voru öll skoruð í eigið mark.

spurning um að skella nokkrum af þessum varnarmönnum í framlínuna?

heavy stuff

2006-12-14T12:09:00.000+01:00

Þökk sé Icelandair, þá getum við nú tekið 80kg, með okkur heim til Íslands (20 standard kg á mann, plús 5 í handfarangur, plús auka 15kg á mann, sinnum 2). Það er sannarlega kærkomið að þurfa ekki að hafa áhyggjur af yfirvigt með allar jólagjarnir fram og til baka yfir Atlantshafið. E-n veginn efast ég hins vegar um að við eigum eftir að fullnýta öll þessi kg. Þetta er kannski bara tilvalið tækifærið til að loksins flytja allt steinasafnið mitt frá Íslandi til Danmerkur...?

styttist í brottför...eða útför

2006-12-14T10:32:00.000+01:00

Þá styttist í heimförina sem verður þann 18. Það vill einmitt svo til að það er sami dagur og ég mun fá einkunn og gagnrýni á ritgerðina mína frá leiðbeinanda mínum og einum utanaðkomandi yfirlesara. Vonum bara að maður komi heim í góðu skapi :) Það verður fróðlegt að heyra hvað þeir hafa að segja um ritgerðina. Það er ekki laust við að það sé smá skrekkur sé í manni, sérstaklega þar sem þessi utanaðkomandi er mjög vel að sér á þessu ADHD sviði. Hún gæti því dregið leiðbeinandan minn niður í einkunn sem vissi sjaldnast hvað um var að ræða. Oft og mörgum sinnum byrjaði gagnrýni hennar á þessum oðrum: "sko, ég er nú ekkert allt of vel að mér í þessu, en...". Mjög reassuring. En nú er ég sem sagt búinn að "self-handicap-a" mig, m.ö.o. afsaka fyrirfram mögulega slæma einkunn, svo það er ekki mér að kenna ef ég fæ ekki þá einkunn sem ég vill ;)

Annars er ég búinn að vera stússast í undirbúningi á atvinnuleit, þ.e.a.s. ég er búinn að skrá mig á atvinnumiðlun, gera CV (lífssöguatvinnuverkamannaskólalyklakippuskrá), og svipast um eftir atvinnumöguleikum. Ég er ekkert allt of bjartsýnn á að vera ráðinn sem sálfræðingur, en ætla mér að lifa í vonninni aðeins lengur. Það er nefninlega næst hæsta atvinnuleysi hjá sálfræðingum í Danmörku (11%) (á eftir guðfræðingum). Að auki er lang erfiðast að finna sér vinnu í stóru borgunum (Köben og Árósum). Siðast þegar spurðist til einnar í Árósum var hún búin að vera leita í 1 og hálft ár! Það er mun meiri eftirspurn út á landi og í minni bæjunum, en ég er ekki að fara flytja aftur, nei takk.

Svo segja meira að segja Danirnir sjálfir að danska með sterkum hreim sé ekki líkleg til vinsælda og gæti valdið neikvæðari viðhorfum en ella. Ekki að ég hafi tekið neitt sérstaklega eftir þessu. Á mínu tímabili hér hafa þeir næstum allir verið mjög þolinmóðir og vingjarnlegir og t.d. nær aldrei gripið til enskunnar, jafnvel í erfiðum tilfellunum :) Maður veit þó að aldrei hvað þeir hugsa...

Stefnan er því sett á að finna tímabundna vinnu til að auka aðeins tekjur og bæta dönskuna enn frekar. Hver hún verður veit nú enginn, vandi er um slikt að spá.

Sjáumst bráðum
Gun

e.s. Til hamingju Magga og Jónsi með stúlkubarnið. Velkomin í heiminn litla mín.

e.e.s. Hvað varðar viðhorf Dana til þeirra sem tala dönska mállýsku eða dönsku með hreim, þá eru komin ný gögn fram á borðið sem sýna að þetta er fyrst og fremst vegna þess að þeir eiga sjálfir mjög erfitt með að skilja sitt ylhýra tungumál (sjá myndband)

heimsókn frá Bergen

2006-12-09T12:34:00.000+01:00

Fyrir skömmu lauk heimsókn Jens pabba hennar Ragnheiðar til okkar en hann hafði verið hjá okkur í góða fimm daga. Tíminn var nýttur til að gera vel við sig og fórum við m.a. í heimsókn til ættingja þeirra feðgina hérna í Köben og fengum að kynnast danskri gestrisni og matargerð. Að auki var svo farið gjörsamlega yfir Strikið nokkrum sinnum og komið við á kaffihúsum eða pöbbum til að fá sér e-ð hressandi. Við fórum svo út að borða á ítalskan veitingastað hérna á Amager og kíktum á jólastemninguna og öll jólaljósin í Tívolíinu. Við brugðum okkur í skoðunarferð um fríríkið Christjaníu og kíktum á alíslenskan jólamarkað í Jónshúsi. Þar var nú reyndar lítið um jólavörur þar sem þetta voru aðallega íslenskir búðareigendur í Kaupmannahöfn en gaman engu að síður. Svo er nú jólabasar einmitt hjá Kristjaníu núna bráðlega, og það verður mjög fortvitnilegt að sjá hvaða hluti maður á eftir að sjá frá fólkinu sem býr þar :)

Góður, mjög góður.

2006-12-09T11:50:00.000+01:00

Ég fór á Bondarann í gær, og kom út brosandi allan hringinn. Betri Bond mynd er nefninlega vandfundin, enda er hún mjög sérstök. Hún er svona í rauninni "Bond Begins" mynd sbr. Batman begins, þar sem farið er í saumana á fyrsta verkefninu hans sem oo7 njósnari. Að auki er forsaga af gefin af nokkrum svona einkennandi atriðum fyrir Bond (hvað þýðir 00 forskeytið, Martini drykkurinn kemur við sögu, hvernig fékk hann fyrsta Aston Martin bílinn ofl). Fyrir utan þau atriði þá er Bondarinn ekki sá sami og við þekkjum hann. Ekki nóg með að nýr leikari hefur tekið að sér hlutverk hans sem er mun sterklegri og harðari en fyrri týpurnar, heldur hegðar hann sér oft öðruvísi en maður er vanur. Hann gerir ýmis mistök, á það til að verða vandræðalegur, lætur skapið hlaupa með sig gönur ofl. Að lokum þá eru sama sem engin svona tæki sem Bondarinn hefur alltaf haft innan handar; líkt og úr til að keyra bílinn sinn eða penna sem er sprengja. Persónan Q kom t.d. ekkert við sögu í myndinni. Mér finnst reyndar mjög gott að tjúna aðeins niður myndina (sbr. það var enginn ósýnilegur bíll líkt og í Die antoher day). Í stuttu máli sagt, þá er hún mun raunsærri en margar, og sérstaklega nýlegri Bondmyndirnar.

Spurningin er því hvort um "raunverulega" Bondmynd er um að ræða? Að mörgu leyti er það hún ekki. Hann er þó að mestu leyti sama persónan og áður, kaldhæðinn, hnyttinn, og oftast pollrólegur. Það verður samt mjög spennandi að sjá hvernig næstu myndirnar verða. Hvort þessi reynsla á að hafa skapað þann Bond sem við þekkjum. Það er ýmislegt sem bendir til þess, þar sem t.d. það var ekki fyrr en í lokin sem við heyrðum "Bond" lagið, og hann kynnti sig á sinn sérstaka máta: Bond, James Bond.

Jólagjöfin í ár handa okkur er fundin!!

2006-12-07T13:10:00.000+01:00

Ég held ég fari að fordæmi félaga míns úr boltanum, og óski mér sokka úr H&M þar sem á standa dagar vikunnar, þ.e.a.s. eitt sokkarpar sem stendur á mánudagur, annað sem stendur á þriðjudagur o.s.frv. Þetta geri ég ekki aðeins til að vita hvaða dagur er hverju sinni, heldur einnig til að einfalda pörun á sokkum eftir hvern þvott. Það er nefninlega ansi leiðinlegt að þurfa grannskoða hvern sokk fyrir sig til að sjá hvaða litur er á honum (dökkblár, dimmblár, svartur, aðeins dekkri svartur, og aðeins ljósari svartur) til að vita hvaða sokkar passa saman. Það hjálpar heldur ekki að Ragnheiður á sömuleiðis helling af svörtum eða dökkleitum sokkum sem auðveldar pörunina ekki.
Þetta hefur hingað til valdið því að við erum oft í hálf-mislitum sokkum og orðið að athlægi og útskúfun úr vinahópum vegna þessa. Það er því ekkert grín að vera í mislitum sokkum.

ICE ICE BABY

2006-12-07T12:58:00.000+01:00

Ég held að ég taki mig til og láti forsvarsmenn IceBank (SPRON) vita að nafn þetta nýja nafn þeirra er eitt það hallæristlegasta sem undirritaður hefur séð. Það er svo klisjukennt og barnalegt að það mætti halda að 5 ára krakki væri að vinna í markaðssetningardeildini þeirra. Það vantar bara meðfylgjandi slagorð til að fullkomna þetta: "IceBank, the coolest bank in the world", eða "IceBank, from the coolest place in the world". Það mætti reyndar nýta sér þetta í öðrum tilvikum: "IceBank, freezes your assets faster than anyone else".

Heitir hann þá Ísbanki á íslensku, eða hvað? Líklegst ekki. Það er aldeilis verið að huga að ylhýra móðurmálinu þar. Þetta er að gerast á meðan það er verið að þýða titla kvikmynda frá ensku yfir á íslensku. Meðan ég man, að þá er mín spá að a.m.k. þrjár myndir á ári muni heita "Á tæpasta vaði".

Kv

Gunni Iceman

hvað hefur þú verið að bardúsa undanfarna daga?

2006-12-07T11:08:00.000+01:00

Eftir að hafa skilað ritgerðinni gefst nú tími til ýmis konar afþreyingar og dundurs. Ég fór til dæmis búinn á körfuboltaæfingu núna á föstudaginn, var í fótbolta að venju á þriðjudaginn, og svo er ég að fara í fyrsta skiptið á handboltaæfingu í köld! Það verður fróðlegt að sjá hvernig maður finnur sig þar í þessu mikla "kontakt" sporti. Ég ætla að geta mér til um að hornastaðan passi vel við mig enda hafa margir smáir og knáir leikmenn verið þar í gegnum tíðina, líkt og Gummi Gumm.

Ég hef samt líklega sjaldan verið jafn grannur og ég er í dag, og líklega hefur mikil brennsla í fótboltanum í sumar ásamt kyrrstöðusetu yfir ritgerðinni haft mikið að segja. Ég er nefninlega þannig, að ég þyngist ekki við það að gera ekki neitt. Eina leiðin fyrir mig til að þyngjast er að borða eins og skepna og stunda líkamsrækt. Stefnan er því að byrja í ræktinni bráðlega, en mér finnst ekki borga sig að byrja fyrir jólin. Allar þessar harðsperrur og óþægindu sem fylgja fyrstu vikunni eða tveimur í ræktinni mundu verða til einskins. Ég veit nefninlega að ég mundi ekki vera sérstaklega duglegur yfir jólafríið, og mundi því þurfa upplifa harðsperrur dauðans aftur á ný eftir áramót. Slagorðið gæti því verið "fylla uppí kjólinn eftir jólin", en þar sem ég er reyndar karlmaður að þá mund þetta ekki alveg passa...e-r uppástungur?

símaleysi

2006-12-05T00:25:00.000+01:00

Erum búin að segja upp heimasímanum okkar í nokkrar vikur, þar sem við erum að skipta um símafyrirtæki. Númerið kemur aftur í gildi eftir áramót, en gsm símarnir okkar eru enn í fullu fjöri

help, i´m stuck in a giant Ipod

2006-11-30T12:02:00.000+01:00

Núna þegar ég hef nægan tíma til að gera ýmislegt þá ætlaði ég að reyna fylla aðeins á 60gb Ipodinn minn. Það rétt sullar í botninum á honum og eru um 8 gb af tónlist þarna inni. Það er reyndar hægt að horfa á vídjó líka í honum, en ég er ekki enn búinn að finna tækifæri til að geta horft á það (kannski af því að það er ekkert vídjó inná, en hvað um það).
En, eins og ég sagði er þetta tröllaukinn Ipod með þrefalt meiri gagnageymslu en fartölvan mín. Ég ætlaði því að byrja á að færa tónlist af Ipodnum yfir á tölvuna til að brenna í CD spilarann heima. En nei, það er ekki hægt að færa tónlist af Ipodnum yfir á tölvuna, og ekki heldur að brenna disk af Ipodnum. E-r öryggisráðstafanir hjá Steve Jobs...pirrandi.
Núna er því fullt af tónlist fast inná spilaranum, sem eg var buinn að eyða ut af tölvunni sökum plassleysis. Eg hinsvegar, með nægan tíma, reyndi að "hakka" mig inná ipodinn með e-m forritum sem mælt var með til að takast á við þetta vandamál, með ekki skemmtilegri afleiðingum en það að nú les tölvan mín ekki ipodinn lengur og mælir með að ég eyði bara öllu draslinu og byrji með tómar hendur á ný.

Boðskapurinn: kauptu Itrip

Árshátíð IF Guðrúnar

2006-11-28T09:40:00.000+01:00

Það var haldin árshátíð IF Guðrúnar (eða FC Ísland) núna á laugardaginn, eða rasshátíðin eins og hennar verður líklegast minnst. Dagurinn byrjaði klukkan 14 þar sem ræst var í hið magnaða Amazing Race, sem var leikur þar sem keppendur fengu lista með 40 atriðum sem átti að framkvæma fyrir klukkan 4 og smella mynd af sem sönnunargagni. Nokkur þessi atriði voru snarólögleg en önnur voru smávægilegri, þetta voru verkefni eins og fá lánaðan rauðan jakka hjá e-m, fá sér bjór á Moose, míga í kanalinn, finna haglabyssu, múna á Strikinu, máta brjóstarhaldara og fleira krassandi. Það var tæpt á muninun og var það lokaði Liverpool barinn (sem betur fer) sem réði úrslitunum. Sumar myndirnar voru ansi vel heppnaðar eins og myndin af okkur og Frikka Weiss og Sigurjóni Sighvats eða “Sighvati Björginssyni” eins og einum okkar varð á orði :) sem voru a röltinu niður Strikið. En að ná mynd af þekktum einstaklingi var einmitt einmitt eitt atriðið sem við þurftum að framkvæma.

Eftir það var svo farið út að borða á e-n asískum stað þar sem hægt var að velja hráefni og láta svo steikja það fyrir framan sig og velja um leið krydd til að láta út á. Það bragðaðist að sjálfsögðu mjög vel. Það var hægt að drekka og eta að vild í þrjá tíma sem var svo sannarlega vel nýtt og undir lokin voru sumir komnir úr að ofan og rúmlega það :) Eftir heimsókn á Pilegaarden pöbbinn voru svo flestir orðnir vel búnir á því eftir góðan dag enda klukkan að ganga eitt!

En kop kaaafffeeeee....

2006-11-22T14:29:00.000+01:00

Við fórum á “Danmarks storste loppemarked (flóamarkað)” um helgina. Vorum mætt á sunnudeginum í seinna fallinu, u.þ.b. 1 ½ klst. áður en lokaði og vorum hugsi um hvort við vorum of sein, hvort allt “góða” draslið væri selt, en hugsuðum aftur á móti líka hvort þetta væri tækifærið til að gera reyfarakaup, þar sem fólkið mundi eflaust lækka verðið því nær sem drægi lokun. Önnur af þessum pælingum reyndist nærri lagi.

Það er skemmst frá því að segja að þarna var margt athyglisvert; afsagaðar svínalappir, segulbandstæki og ýmsar dýrar antikvörur. Það sem greip mig þó mest var espressókaffivél sem lá þarna á borðinu, hún var í nokkuð góðu ásigkomulagi og merki sem ég kannaðist við: Krups. Spurði því hvað hún kostaði og varð ansi hlessa: 20dkr! Sérstaklega þar sem ný svona vél kostar líklega 15-20. þús ísk (held ég). Grunaði því að ég væri að kaupa köttinn í sekknum, en lét samt slag standa, því ef það væri köttur í sekknum væri amk búið að redda ódýrum kvöldverði. Hjóluðum því með gripinn i grenjandi rigningu og svo hófst prufukeyrslan á gripnum. Ég var ákveðinn í að vera ekki of bjartsýnn, en dustaði af henni rykið, fyllti á vatnið og tróð kaffinu á sinn stað. Jújú, vélin rauk í gang, og viti menn, bikasvart kaffi rann niður ofaní bollann. Það kom meira að segja espressófroðan sem ómögulegt er að ná með espressókaffikönnunum. Næsti áfangi, virkar mjókurfroðutækið. Að sjálfsögðu!!
Nú er því arsenal-ið (hergagnageymslan) fullkomin, með kaffivélina trónandi á toppnum.

Nú er bara spurningin...hvað á ég að gera við öll hin tólin og tækin? Næsta spurning: Vill e-r kíkja yfir í kaffi? Nú ef hann/hún drekkur ekki kaffi þá get ég alltaf hellt upp á te :)

Kv
Gunni Kaffiperri (sem er greinilega í fríi)

Restructuring the disorganized world

2006-11-20T00:01:00.000+01:00

Jæja góðir hálsar og hælar, þá er komið að´essu. Hverju spyrjiði? Jú, þarna heyri ég rétt svar úr horninu aftast. Lokapunkturinn er kominn yfir i-ið og feita konan er búin að synjga sitt síðasta. Ég er búinn með ritgerðina!!!

þetta eru þá búnir að vera hvað 10 mánuðir. allaveganna það. Var byrjaður að lesa mér til í janúar áður en við fluttum til köbenen, en vinnan hófst svona ekki formlega fyrr en e-n tímann í feb. Vá það er langt síðan. Þá bjuggum við á Svanemöllen og hressileg partý með Bjössa, Rex, Gerði, Kjarra og Fúsa voru daglegt brauð. Mikið vatn runnið sjávar síðan þá.

En fyrst maður er í Danmörku, þá gerir maður eins og Danir gera, þeir vinna skipulega, rólega og yfirvegað. Og það er það sem ég gerði. Ég var oftast mættur 8-10 og var mína 8 tíma á virkum dögum, þannig að þetta gerir þá í kringum 5 x 8 x 4 x 9 tímar (give or take a week) samasem 1440 tímar.

Nú er það bara ferð til Árósa að skila stykkinu og hlamma því á borðið á skrifstofunni og segja e-a flotta setningu. Það verður að vera e-ð annað en "Iðll be back", það passar ekki alveg...hef rútuferðina á morgunn til að spá í því.

eins og þið sjáið er ég mjög stoltur að verkinu og hef skellt nokkrum myndum af því á netið, svona til að æsa ykkur aðeins upp. Ég veit vel að ykkur langar að sökkva tönnunum í það og fyrir þá allra hörðustu get ég glatt ykkur með því að vídeómyndin mun bráðlega fylgja í kjölfarið.

Já, þetta var amk mjög lærdómsríkt ferli, og gæti ég eflaust rumpað af einni annarri ritgerð á hálfum þessum tíma ef ég ætti að byrja á nýrri (eftir smá hvíld bien suir). Ég veit reyndar ekki hovrt maður eigi eftir að leggja í slíkt verkefni aftur, það verður amk et godt stykke tid indtil det sker.

kv
Gunni "Maestro"

Sunday morning

2006-11-12T16:12:00.000+01:00

Sólardagur, það þýðir bara eitt. Allt rykið og óhreinindin verða svo sýnileg að það bara verður hreinlega að gera e-ð í því. Villtur ryksugudans var því stiginn með græjurnar hátt stilltar klukkan 10:30 í morgunn. Græjurnar voru kannski stilltar aðeins hærra en venjulega í von um að Villti Tryllti Villi sem býr fyrir ofan okkur mundi vakna, þar sem hann hélt fyrir okkur vöku nóttina áður með ansi hressilegu partýi til klukkan 04:30.
En helgin er annars búin að vera hin ágætasta. Við fórum á tónleika með Keane á föstudaginn og svo var svona jóla “rehersal” kvöldmatur haldin hérna á laugardaginn. Við elduðum hangikjöt með öllu tilheyrandi og skelltum jóladiski undir geislann. Eftir það var í anda kristinnar trúar og krossferðanna farið að breiða út Guðs orð alla leið til Íraks og Kína í tölvuleiknum Battlefield 2. Ég hef klifrað ansi hratt upp metorðastigann þar enda búinn að eyða rúmlega 100 stundum fyrir framan skjáinn. Spurning hvar ritgerðin væri ef ég hefði eytt þeim tímum aðeins skynsamlegar? Og þó, ég hef aðallega spilað á kvöldin og ef ekki væri fyrir útrásina væri ég líklegast búinn að myrða e-n hvort sem er. Well, back to writing...

ísinn brotinn

2006-11-09T18:16:00.000+01:00

Jæja, ætli það sé ekki kominn tíma til að skrifta aðeins. Ekki að ég hafi syndgað neitt rosalega mikið undanfarið þar sem ég hef nú varla farið út fyrir Amager seinustu vikurnar, en það er víst rétt að láta aðeins vita af sér. Man ekki einu sinni hvenær ég fór seinast úr fyrir Amager. Jú, nú man ég það, það hefur líklegast verið þegar ég fór á tónleika með HAM um daginn sem voru mjög hressandi...æi nei, þeir voru haldnir hér á Amager.

En amk góðir tónleikar þar sem m.a. spiluðu grænlensk, dönsk og færeysk bönd. Það var eitt færeyskt band sem hét Makrel og spilaði ansi flott lágstemmt rokk. Gítarleikarinn þeirra var samt víst e-ð vant við látinn því þeir voru með lánsmann á gítarnum. Ekki spáði ég nú mikið í því fyrr en ég rakst á þessa grein á málefnin.com Mæli með að þið kíkið á hana ef þið vitið ekki enn um hommafóbíu Færeyinga.

En allaveganna hef ég verið við sama gamla bókasafnshornið seinustu vikur og hef ákveðið að ekki minnast einu orði á þá setu þar sem sú umræða (einræða) er orðin ansi þreytt. En nú get ég bara ekki lengur orða bundist því nú er endirinn í sjónmáli. Þokan hefur verið svo ansi þykk undnafarið að ég hef ekki séð endinn fyrr en núna, og hann er yfirþyrmandi nálægur. Vona bara að það verði ekki skipsbrot. Meiri fréttir af því þegar það að kemur, því get ég lofað.

Það er annars merkilegt hvað allt þetta dúllerí eins og að gera efnisyfirlitið getur tekið langan tíma, og er bara alls ekki eins auðvelt og manni grunar í byrjun. Það mætti jafnvel halda því fram að efnisyfirlitið sé erfiðasti hluti ritgerðarninnar!! :) Segi svona, en samt sem áður verða fyrirsagnirnar og undirfyrirsagnirnar allar að passa við innihaldið og svo verður uppsetningin líka að vera skilmerkileg. Ég er hins vegar oftast meira fyrir "visjúal" áhrifin og því er yfirlitið ekki eins einfalt uppsett eins og sumir myndu hafa það. En það getið þið sjálf dæmt um eftir að þið hafið lesið ritgerðina ;)